Tryggvi Björnsson missir varla úr dag þegar kemur að því að synda og hann mætir stundvíslega kl. 6 á hverjum morgni í Jaðarsbakkalaug.
Starfsfólk Jaðarsbakkalaugar og fjölskyldumeðlimir tóku vel á móti Tryggva í morgun þegar hann mætti að venju til þess að synda.
![](https://skagafrettir.is/wp-content/uploads/2017/06/18765559_10212900371573567_5523427089132329811_n-1132x670.jpg)
Tryggvi fagnar 90 ára afmæli sínu í dag en hann er fæddur 1. júní árið 1927. Hann er einn af frumkvöðlum Íslands þegar kemur að sjósundi og synti hann reglulega í marga áratugi á Langasandi.
Við hér á skagafrettir.is óskum sundgarpinum Tryggva og fjölskyldu hans hjartanlega til hamingju með stóra daginn.