Niðurrifi er lokið á Sementsreitnum á Akranesi og gríðarleg breyting er á svæðinu eftir framkvæmdirnar sem hafa staðið þar yfir undanfarin misseri.
Þrátt fyrir allt niðurrifið voru framkvæmdir í gangi í morgun þegar Skagafréttir litu þar við í veðurblíðunni í morgun. Búið er að ganga frá svæðinu með snyrtilegum hætti og grasfræjum hefur verið sáð í moldina.
![](https://skagafrettir.is/wp-content/uploads/2019/07/Screen-Shot-2019-07-11-at-11.03.27-AM-1132x670.png)
Hluti af Sementsstrompnum er þar enn til staðar. Starfsmaður var að mála söguminjarnar í múrsteinsrauðum lit eins og sjá má í myndbandinu og myndunum sem teknar voru í morgun.
Samkvæmt áætlun Akraneskaupstaðar verður efnt til hugmyndasamkeppni þar sem að minningu Sementsstrompsins verður gert hátt undir höfði. Þessi bútur verður í lykilhlutverki þegar að því kemur að útfæra sigurtillöguna.
![](http://localhost:8888/skagafrettir/wp-content/uploads/2019/07/IMG_2916-1024x768.jpg)
![](http://localhost:8888/skagafrettir/wp-content/uploads/2019/07/IMG_2915-1024x768.jpg)
![](http://localhost:8888/skagafrettir/wp-content/uploads/2019/07/IMG_2914-1024x768.jpg)