Valdís Þóra Jónsdóttir, atvinnukylfingur úr Leyni á Akranesi, náði næst besta árangri sínum á þessu tímabili á LET Evrópumótaröðinni á Lacoste mótinu í Frakklandi.
Atvinnumótaröðin er sú sterkasta í Evrópu hjá atvinnukylfingum í kvennaflokki.
![](https://skagafrettir.is/wp-content/uploads/2019/01/valdis2017-827x675-827x670.jpg)
Valdís Þóra lék hringina fjóra á +2 samtals (79-66-70-71). Eins og sjá má gekk ýmislegt á hjá Valdís Þóru á þessum fjórum keppnisdögum.
Hún vann sig sterkt til baka eftir erfiða byrjun á mótinu. Fyrir árangurinn í Frakklandi fékk Valdís Þóra um 600.000 kr. í verðlaunafé.
Sigurvegarinn, Nelly Korda, frá Bandaríkjunum lék á -15 samtals og fékk hún tæplega 7 milljónir kr. í verðlaunafé.
![](http://localhost:8888/skagafrettir/wp-content/uploads/2019/09/Screen-Shot-2019-09-22-at-7.45.30-PM-1024x266.png)