Þrátt fyrir að ákveðnar hömlur séu í okkar samfélagi þá er vel hægt að halda menningarlífi gangandi. Með takmörkunum þó en þá verður að sníða stakk eftir vexti. Kalman listafélag á Akranesi stendur fyrir tvennum tónleikum á næstunni á Akranesi með flottu listafólki.
Fimmtudaginn 20. ágúst halda söngkonurnar Hanna Þóra Guðbrandsdóttir og Hanna Dóra Sturludóttir ásamt Ástvaldi Traustasyni píanóleikara, tónleika í Vinaminni.
Tónleikarnir bera yfirskriftina Heyr mína bæn og flytur tónlistarfólkið trúarlega tónlist, alþýðulög og dægurtónlist. Dagskráin hefst kl. 20.
![](https://skagafrettir.is/wp-content/uploads/2020/08/kalman-1000x670.jpg)
Laugardaginn 22. ágúst kl. 14 heldur Skálholtstríóið tónleika í Akraneskirkju.
Tríóið er skipað þeim Jóni Bjarnasyni orgelleikara og trompetleikurunum Vilhjálmi Inga Sigurðarsyni og Jóhann Stefánssyni.
Þeir félagar hafa spilað mikið saman undanfarin ár. Efnisskrá þeirra er fjölbreytt, en á henni er m.a. að finna verk eftir J.S Bach, A. Vivaldi, Eugene Bozza, Sigfús Einarsson, Rodriguez Solana ofl.
Í samræmi við sóttvarnarlög og til að tryggja öryggi tónleikagesta, verður tveggja metra reglan í hávegum höfð og því takmarkað sætaframboð í boði.
Miðasala á tix.is en einnig er hægt að tryggja sér miða í netfanginu [email protected]
Miðasala á Heyr mína bæn er hér:
![](http://localhost:8888/skagafrettir/wp-content/uploads/2020/08/IMG_20200128_173430_950-3.jpg)