Fasteignaverð á Akranesi hefur hækkað um 20% á mili ára á þriðja ársfjórðungi samkvæmt athugun Hagfræðideildar Landsbankans – þar sem að stuðst var við gögn úr Verðsjá Þjóðskrár Íslands. Íbúðaverð í þéttbýliskjörnum á landinu öllu hefur hækkað á bilinu 9-36&, mest á höfuðborgarsvæðinu.
Mesta hækkunin er í Árborg eða sem nemur 36% og næstmest á Akranesi eða 20%. Í könnunni kemur einnig fram að frá árinu 2015 hafi íbúðaverð hækkað mest í Árborg, þar á eftir í Reykjanesbæ og Akranes er í þriðja sæti á þessum lista.
![](https://skagafrettir.is/wp-content/uploads/2021/10/Akranes-loftmyndir-2021-18-1132x670.jpeg)
„Þrátt fyrir þessar hækkanir er fermetraverð íbúða enn talsvert lægra í kjörnum utan höfuðborgarsvæðisins, á bilinu 24-37% lægra. Minnstu munar í Árborg þar sem fermetraverð er að jafnaði 24% lægra en á höfuðborgarsvæðinu. Fyrir ári síðan var fermetraverðið hins vegar 34% lægra, áður en íbúðaverð í Árborg tók að hækka hraðar en á höfuðborgarsvæðinu. Munurinn á verðlagi eftir svæðunum fer því minnkandi þó enn sé talsvert ódýrara að kaupa húsnæði í Árborg samanborið við höfuðborgarsvæðið,“ segir í Hagsjánni.
![](http://localhost:8888/skagafrettir/wp-content/uploads/2021/10/Akranes-loftmyndir-2021-11-1024x682.jpeg)
![](http://localhost:8888/skagafrettir/wp-content/uploads/2021/11/Screen-Shot-2021-11-02-at-8.31.52-AM-722x1024.png)
![](http://localhost:8888/skagafrettir/wp-content/uploads/2021/11/Screen-Shot-2021-11-02-at-8.32.03-AM-717x1024.png)