Keppnislið Fjölbrautaskóla Vesturlands á Akranesi hefur farið af stað með látum í spurningakeppni Gettu betur – spurningakeppni framhaldskólanna. FVA hefur sigrað í fyrstu tveimur viðureignunum og er komið alla leið í 8-liða úrslit.
Búið er að draga í 8-liða úrslitum. FVA keppir gegn liði Fjölbrautaskóla Garðabæjar, og fer sú keppni fram föstudagskvöldið 11. febrúar 2022 í beinni sjónvarpsútsendingu á RÚV. Útsendingin hefst 20.05.
4. febrúar – Verzlunarskóli Íslands – Fjölbrautaskóli Suðurlands
11. febrúar – Fjölbrautaskólinn í Garðabæ – Fjölbrautaskólinn Vesturlands á Akranesi
16. febrúar – Verkmenntaskóli Austurlands – Menntaskólinn í Reykjavík
25. febrúar – Kvennaskólinn í Reykjavík – Menntaskólinn við Hamrahlíð.
Kristrún Bára Guðjónsdóttir, Björn Viktor Viktorsson og Sigrún Freyja Hrannarsdóttir skipa keppnislið FVA.
FVA keppti í 16-liða úrslitum gegn Fjölbrautaskólanum á NV-landi sem er staðsettur á Sauðárkróki.
FVA sýndi mikla yfiburði í þeirri viðureign og sigraði 28-9.
Áður hafði FVA sigrað Fjölbrautaskóla Suðurnesja nokkuð örugglega, 24-17 í fyrstu umferð.