Karlalið ÍA í knattspyrnu heldur áfram að safna liði fyrir keppnistímabilið í „Bestu deildinni“ sem hefst þann 19. apríl. 2022.
Benedikt V. Warén, sem er 21 árs gamall leikmaður úr röðum Breiðabliks, mun leika með ÍA út leiktíðina 2022 en hann kemur á lánssamningi frá Blikum.
Jón Þór Hauksson, þjálfari ÍA, þekkir „Benó“ vel en hann lék með liði Vestra á síðustu leiktíð þar sem að Jón Þór var þjálfari áður en hann tók við ÍA.
Benó getur leyst ýmsar stöður á vellinum en hann hefur mest leikið á hægri kanti eða miðjunni – og einnig sem vængbakvörður.
Miklar breytingar eru á leikmannahópi ÍA fyrir keppnistímabilið, eins og sjá má í samantekt frá Víði Sigurðssyni á Morgunblaðinu hér fyrir neðan.
Fyrsti leikur ÍA fer fram gegn Stjörnunni á gervigrasvellinum í Garðabæ þann 19. apríl.
ÍA leikur þann 24. apríl á Akranesvelli gegn Íslands – og bikarmeistaraliði Víkings úr Reykjavík sem Skagamaðurinn Arnar Gunnlaugsson þjálfar.
Komnir:
19.2. Oliver Stefánsson frá Norrköping (Svíþjóð)
17.2. Aron Bjarki Jósepsson frá KR
17.2. Christian Köhler frá Val
17.2. Johannes Vall frá Val
17.2. Kaj Leo i Bartalsstovu frá Val
10.2. Marteinn Theodórsson frá Víkingi Ó. (úr láni)
5.4. Benedikt V. Warén frá Breiðabliki (lék með Vestra 2021)
Farnir:
19.3. Arnar Már Guðjónsson í Kára
22.2. Ísak Snær Þorvaldsson í Breiðablik
22.2. Hákon Ingi Jónsson í Fjölni
17.2. Aron Kristófer Lárusson í KR
17.2. Óttar Bjarni Guðmundsson í Leikni R.
17.2. Sindri Snær Magnússon í Keflavík
1.2. Elias Tamburini í Phönix Lübeck (Þýskalandi)
