[sam_zone id=1]

Kvennalið ÍA er í 6. sæti Lengjudeildar Íslandsmótsins í knattspyrnu en liðið hefur leikið fimm leiki í næst efstu deild. 

ÍA er með 6 stig, 2 sigurleikir og 3 tapleikir. 

Alexa Maletis er markahæsti leikmaður liðsins með 5 mörk í 4 leikjum en hún er í þriðja sæti yfir markahæstu leikmenn deildarinnar. 

Mynd: 📸: Jón Gautur foto

Úrslit leikja liðsins eru eftirfarandi: 

30. maí: Keflavík – ÍA 2:1.

25. maí: ÍA – Tindastóll 5:0.

20. maí: KR – ÍA 3:2.

9. maí: ÍA – FHL 1:0.

2. maí: HK – ÍA  3:1. 

Næstu leikir ÍA er gegn Völsungi á útivelli á Húsavík laugardaginn 6. júní og Selfoss kemur heimsókn á Akranes fimmtudaginn 11. júní. 

Káramenn eru í toppbaráttunni í 2. deild karla á Íslandsmótinu í knattspyrnu – þriðju efstu deild. 

Kári sigraði lið Dalvíkur/Reynis örugglega 6:0 í fimmtu umferð mótsins sem fram fór s.l. sunnudag. Með sigrinum er Kári í öðru sæti deildarinnar með 10 stig, þrjá sigra, eitt jafntefli og eitt tap. 

Úrslit leikja Kára það sem ef er Íslandsmótinu:

31. maí: Kári – Dalvík/Reynir 6:0.

23. maí: Kormákur/Hvöt – Kári 4:1.

15. maí: Kári – Hvíti Riddarinn 0:0.

9. maí: KFA – Kári 2:4. 

2. maí: Kári – FFG 5:1. 

Næstu leikir Kára eru sannkallaðir stórleikir. Kári leikur gegn Víkingi Ólafsvík á útivelli laugardaginn 6. júní, og Selfoss kemur í heimsókn á Akranes þann 10. júní. Kári sækir síðan lið Fjölnis heim þann 15. júní, en Selfoss og Fjölnir féllu úr Lengjudeildinni, næst efstu deild, s.l. haust – en liðin eru í þriðja og fjórða sæti deildarinnar. Haukar eru á toppi deildarinnar með 12 stig. 


Nýverið voru niðurstöður könnunar um þátttöku nemenda í 10. bekk á Akranesi kynntar. Spurt var um þátttöku þeirra í skipulögðu frístundastarfi en um er að ræða nemendur sem eru að ljúka grunnskólagöngu vorið 2026.

Niðurstöðurnar sýna að um 70% nemenda taka þátt í slíku starfi, mæta reglulega í Arnardal, æfa íþróttir eða stunda tónlistarnám.

Í fundargerð skóla – og frístundaráðs kemur fram að brottfall unglinga úr skipulögðu frístundastarfi verði greint nánar í samstarfi við svæðisfulltrúa íþróttahéraða á Vesturlandi og ÍA.

Smelltu hér ef þú vilt styrkja Skagafréttir

Þaulreyndur þjálfari tekur við karlaliði ÍA í körfuknattleik – en tilkynnt var um ráðningu Hjalta Þórs Vilhjálmssonar í kvöld. 

Hjalti Þór hefur mikla reynslu sem þjálfari í Bónusdeildinni, efstu deild Íslandsmótsins. Hann þjálfaði Álftanes á síðasta tímabili og var þar áður þjálfari karlaliðs Keflavíkur. Hann hefur einnig þjálfað Val og KR. 

Birkir Guðjónsson formaður Körfuknattleiksfélags ÍA og Hjalti Þór Vilhjálmsson. Mynd/ÍA.

ÍA féll úr Bónusdeildinni í vor eftir og leikur því á ný í næst efstu deild. 

Óskar Þór Þorsteinsson var þjálfari liðsins undanfarin tvö tímabil. Hann kom liðinu upp í efstu deild vorið 2025 og batt þar með enda á 25 ára bið félagsins eftir sæti í efstu deild.

Í tilkynningu frá félaginu kemur eftirfarandi fram:

„Með ráðningu Hjalta stefnir ÍA að því að efla enn frekar metnaðarfullt starf sitt innan félagsins og byggja upp öflugt lið til framtíðar. Félagið bindur miklar vonir við samstarfið og hlakkar til komandi verkefna undir stjórn Hjalta.“

Eins og áður hefur komið fram á skagafrettir.is hefur Gojko Sudzum, einn besti leikmaður Bónusdeildarinnar í körfuknattleik skrifað undir nýjan samning við ÍA.

Miðherjinn var gríðarlega öflugur á fyrri hluta tímabilsins en meiðsli í hné setti strik í reikninginn hjá honum um mitt tímabilið. Hann var framlagshæsti leikmaður ÍA á tímabilinu – með 23 stig að meðaltali og 11 fráköst að meðaltali í leik.

 

Kosningaþátttaka í bæjarstjórnarkosningunum sem fram fóru þann 16. maí s.l. á Akranesi var tæplega 70% sem er aukning frá því fyrir fjórum árum þar sem að kjörsóknin var 62,5%. 

Töluvert var um útstrikanir á kjörnum fulltrúum og varamönnum – eins og sjá má hér fyrir neðan. 

Nánar um úrslitin – smelltu hér: 

Fjöldi kjósenda á kjörskrá voru 6.292.
Greidd atkvæði alls 4.390, 69,77% kosningaþátttaka
Gildir atkvæðaseðlar 4.254; 96,90% af greiddum atkvæðum
Auðir seðlar og ógildir 136; 3,10%
Þar af ógildir seðlar 18; 0,41%
Þar af auðir seðlar 118; 2,69%

Útstrikanir á kjörnum fulltrúum og varamönnum 

B-Listi – Framsókn og frjálsir: 

Ragnar B. Sæmundsson 3

Liv Aase Skarstad 18

Sædís Alexía Sigmundsdóttir 6

Karl Jóhann Haagensen 1

C-Listi – Viðreisn 

Jón Guðni Guðmundsson 5

D-Listi – Sjálfstæðisflokkur.

Líf Lárusdóttir 20

Bjarnheiður Hallsdóttir 47

Guðmundur Ingþór Guðjónsson 10

Viktor Elvar Viktorsson 1

Ragnheiður Helgadóttir 4

Emil Kristmann Sævarsson 2

M-Listi – Miðflokkur:

Hrafn Ágúst Björnsson 2

Ólafur Rúnar Sigurðsson 1

S-Listi – Samfylking:

Sigurður Vopni Vatnsdal 1

Jónína Margrét Sigmundsdóttir 4

Kristinn Hallur Sveinsson 11

Anna Sólveig Smáradóttir 2

Niðurstöður kosninganna

B-Listi: 1.006 atkvæði – 23,65% – 2 menn kjörnir

C-Listi: 454 atkvæði – 10,67% – 1 maður kjörinn

D-Listi: 1.431 atkvæði – 33,64% – 3 menn kjörnir

M-Listi: 414 atkvæði – 9,73% – 1 maður kjörinn

S-Listi: 949 atkvæði – 22,31% – 2 menn kjörnir

Samtals 4.254 atkvæði og fjöldi kjörinna fulltrúa: 9

 

Sjálfstæðisflokkurinn og Framsókn – frjálsir hafa komist að samkomulagi um myndun meirihluta í bæjarstjórn Akraness.

Frá þessu er greint á vef Skessuhorns. 

Þessir flokkar hafa aldrei áður myndað meirihluta um stjórn bæjarfélagsins í 84 ára sögu Akraneskaupstaðar. 

Líf Lárusdóttir verður formaður bæjarráðs og Ragnar B. Sæmundsson forseti bæjarstjórnar. 

Greint verður síðar frá hvernig verkum og embættum verður skipt á milli flokkanna. 

Líf Lárusdóttir, Bjarnheiður Hallsdóttir og Guðmundur Ingþór Guðjónsson sitja í bæjarstjórn fyrir hönd Sjálfstæðisflokksins. 

Ragnar B. Sæmundsson og Liv Aase Skarstad eru í bæjarstjórn fyrir hönd Framsóknar – og frjálsra. 

Á síðasta kjörtímabili, 2022-2026, mynduðu Samfylking og Sjálfstæðisflokkur meirihluta. 

Á kjörtímabilinu 2018-2022 voru Framsókn – og frjálsir í meirihluta ásamt Samfylkingu. 

Niðurstöður kosninganna:

B-Listi: 1.006 atkvæði – 23,65% – 2 menn kjörnir

C-Listi: 454 atkvæði – 10,67% – 1 maður kjörinn

D-Listi: 1.431 atkvæði – 33,64% – 3 menn kjörnir

M-Listi: 414 atkvæði – 9,73% – 1 maður kjörinn

S-Listi: 949 atkvæði – 22,31% – 2 menn kjörnir

Samtals 4.254 atkvæði og fjöldi kjörinna fulltrúa: 9

ÍA er í 7. sæti Bestu deildar karla eftir 2-2 jafntefli gegn botnliði ÍBV frá Vestmannaeyjum. Liðin áttust við í gær í frábæru veðri á Elkem-vellinum á Akranesi. 

Gísli Laxdal og Gísli Eyjólfsson skoruðu fyrir og voru mörkin úr efstu hillu eins og sjá má í myndskeiðinu frá visiri.is hér fyrir neðan. 

Gestirnir úr Eyjum náðu að jafna metin á lokakafla leiksins. 

ÍA er. eð 9 stig að loknum 8 umferðum. ÍA er með 2 sigurleiki, 3 jafntefli og 3 tapleiki. 

Næsti leikur ÍA er á útivelli gegn FH þann 29. maí en Skagamaðurinn Jóhannes Karl Guðjónsson er þjálfari FH-inga. Liðið er í næst neðsta sæti með 2 stig og er án sigurs það sem af er tímabilinu. 

Mynd: Jón Gautur foto

 

 

Árni Marinó Einarsson, markvörður karlaliðs ÍA í knattspyrnu, er meiddur og verður frá næstu vikurnar. 

Aðalmarkvörður liðsins meiddist í 2-1 sigurleik ÍA gegn Þór þegar liðin mættust á Akureyri um s.l. helgi.

Árni Marinó er ristarbrotinn en hann varð fyrir meiðslunum í fyrri hálfleik gegn Þór en hann kláraði verkefnið þrátt fyrir að vera ristarbrotinn.

Það má gera ráð fyrir því að Árni Marinó verði frá keppni næstu sex vikurnar í það minnsta.

Skagamenn eru í vandræðum með að manna það skarð sem Árni skilur eftir sig. Varamarkvörður ÍA í síðustu leikjum er fæddur árið 2009 en það er Isak Theodor Eidem.  Logi Mar Hjaltested var lánaður til Kára nýverið og getur því ekki fengið félagaskipti til baka í ÍA fyrr en félagaskiptaglugginn opnar á ný um mitt sumar. 

Eins og gefur að skilja er hinn 17 ára ungi Isak Theodor ekki með mikla reynslu í efstu deild og hafa forráðamenn ÍA óskað eftir því að félagið fái undanþágu til þess að fá markvörð með reynslu til félagsins. 

Félagaskiptaglugginn í efstu deild karla er lokaður og hefur ÍA óskað eftir því að fá markvörð til félagsins á svokölluðu „neyðarláni“. 

Næstu leikur ÍA er á fimmtudaginn gegn botnliði ÍBV úr Vestmannaeyjum. 

Leikurinn fer fram á Elkem-vellinum og hefst hann kl. 18:00. 

Skagamenn eru í 8. sæti Bestu deildarinnar.

ÍA er með 8 stig eftir 2 sigurleiki, 2 jafntefli og 3 tapleiki. 

Aðsend grein: 

Á fundi bæjarstjórnar þann 14. apríl sl. var samþykkt ný menningarstefna fyrir Akraneskaupstað. Menningar- og safnanefnd hefur unnið að endurskoðun stefnunnar á liðnu kjörtímabili, en beðið var með að ljúka verkinu þar til stjórnsýslubreytingar tækju gildi. Nefndin skilaði tillögu sinni til skóla- og frístundaráðs sem lagði blessun sína yfir hana og vísaði henni til endanlegrar samþykktar í bæjarstjórn.

Á Akranesi er lifandi og metnaðarfullt menningarlíf þar sem öflug grasrót gegnir lykilhlutverki. Fjölbreytt starfsemi listafólks, félagasamtaka og stofnana skapar frjóan jarðveg fyrir nýjar hugmyndir og viðburði sem höfða til breiðs hóps bæjarbúa. Menningin er sýnileg í daglegu lífi, hvort sem er á skipulögðum viðburðum eða með sjálfsprottnum framtökum íbúa.

Menningarstefnunni er ætlað að vera skýr rammi utan um þetta öfluga starf, styðja við áframhaldandi þróun og efla samstarf þeirra sem koma að menningarmálum í bænum, með það að markmiði að Akranes verði áfram kraftmikill vettvangur menningar og sköpunar.

Nú er komið að ákveðnum vatnaskilum í menningarmálum á Akranesi. Á 1426. fundi bæjarstjórnar þann 15. janúar s.l var samþykkt nýtt skipurit fyrir Akraneskaupstað sem tekur gildi við upphaf nýs kjörtímabils. Með þeim breytingum verður skóla- og frístundasvið að mennta- og menningarsviði. Menningar- og safnanefnd verður lögð niður og málefni hennar færast undir hið nýja svið.

Ég hef gegnt formennsku í menningar- og safnanefnd á þessu kjörtímabili og kveð því störf mín í þessum málaflokki fyrir bæjinn síðastliðin 14 ár þakklát og sátt. Með mér í nefndinni hefur starfað einstaklega öflugur og samstilltur hópur fólks sem hefur lagt sig fram af heilindum og metnaði við að móta ramma og styðja við menningarlíf bæjarins. Verkefnastjóri nefndarinnar, Vera Líndal Guðnadóttir, hefur leitt starfið af festu, fagmennsku og drifkrafti, kann ég henni bestu þakkir fyrir.

Það hefur verið heiður að fá að stýra þessum málaflokki. Menningarlífið á Akranesi blómstrar sem aldrei fyrr, þátttaka bæjarbúa hefur aukist, jákvæðni er ríkjandi og skapandi starf sprettur upp víða. Sjálfsprottnir viðburðir hafa orðið sífellt fleiri og má nefna að Vökudagar hafa vaxið og dafnað með hverju árinu og fjöldi viðburða aldrei verið meir.

Að lokum vil ég þakka fyrir mig og óska Skagamönnum til hamingju með nýja menningarstefnu. Ég færi jafnframt öllum þeim sem komið hafa að mótun menningarmála bæjarins með mér undanfarin ár, kærar þakkir fyrir gott og heiðarlegt samstarf þvert á flokkapólitík. Þá vil ég einnig þakka forstöðumönnum menningarstofnana bæjarins sem og fulltrúum Hvalfjarðarsveitar fyrir ánægjulegt samstarf.

Guðríður Sigurjónsdóttir.

Formaður menningar- og safnanefndar Akraness. 

Aðsend grein frá Halldóri Jónssyni. 

Til þess að samfélög skari framúr þurfa margir hlutir að spila saman. Metnaður þarf að vera til staðar, slá þarf taktinn og hann þarf að vera réttur, móta þarf stefnuna og leiða íbúana. Atvinnulífið, félagslífið, menningarlífið og sveitarfélagið þurfa að vera í takt. 

Að baki þessu öllu þurfa að vera öflugir kyndarar í vélarrúminu. Þeir sem af einhverjum ástæðum hafa meiri tíma og orku en við hin til þess að efla andann og skapa svigrúmið. Moka kolum á bjartsýniseldinn. Svo þarf fólk sem vill og getur staðið í stafni. Í einu orði er þetta fólk nefnt félagsmálatröllin. Félagsmálatröllin flest starfa hvert á sínu áhugasviði og lyfta einatt þar grettistaki. Verða með tímanum samnefnari hvert fyrir sína grein. Fátíð eru þau sem koma að öllum þessum þáttum. Verða með tímanum samnefnari á svo mörgum sviðum að nafn þess verður vart nefnt án nafns heimabæjarins. 

Eitt slíkt félagsmálatröll stendur á áttræðu í dag, Gunnar Sigurðsson. Svo samofin eru störf hans Akranesi að vart verða þau nöfn aðskilin. 

Hann sló ungur taktinn í einni frægustu og bestu hljómsveit landsins, Dúmbó og Steina. Mörg eru þau félögin á Akranesi sem hann hefur lagt lið í gegnum tíðina. Ekki verður lengi rætt um knattspyrnu á Íslandi án þess að nafn Gunnars beri þar á góma. Síst af öllu á Akranesi. Vinna og árangur hans og hans manna þar er drúgt lífsverk eitt og sér. En þar lét hann ekki við sitja.

Áralöng störf hans að sveitarstjórnarmálum á Akranesi voru einnig árangursrík ekki síst þegar mæta þurfti afleiðingum bankahrunsins á sínum tíma. Þar vék hann sér ekki undan erfiðum ákvörðunum. Að hætti góðra leiðtoga veigraði hann sér ekki við að leita sér aðstoðar og ráða sem víðast og tryggja þannig ígrundaðar ákvarðanir. Með öllu þessu átti hann sér aðalstarf. Síðustu áratugina hjá Olís eins og frægt er. Er mér til efs að nokkur maður hafi borið hróður þess félags jafn víða. 

Gunnar lætur sér annt um samborgara sína. Þar má hann ekkert aumt sjá. Hann er líka vinur vinna sinna. 

Um Gunnar Sigurðsson má skrifa margar bækur. Þær verða ekki skrifaðar nú. Ég hef orðið þeirrar gæfu aðnjótandi að eiga vináttu hans. Á seinni árum höfum við félagarnir ferðast víða. Bæði innan lands og utan. Það getur verið tímafrekt að ferðast með Gunnari. Ekki síst innanlands. Hvarvetna þar sem stoppað er drífur að fólk sem þarf að ræða málin við hann og þakka honum.  Hvort sem þar eiga í hlut fótbolti, stjórnmál eða atvinna hans. 

Aðeins einu sinni höfum við komið á stað á Íslandi þar sem Gunnar þurfti ekki að svara fyrir eða taka hóli fyrir störf sín. Það var í ferð okkar Jóns Gunnlaugssonar og hans til Fljótavíkur á Hornströndum. Flugferðin þangað norður frá Ísafirði verður ávallt eftirminnileg. Veðrið var eins og best verður á kosið. Ekki er víst að öllum í litlu flugvélinni hafi þótt skemmtilegt að lenda á tveimur flugvöllum í sömu víkinni og sá síðari var á sandinum í fjöruborðinu. 

Húsráðendur Herborg Vernharðsdóttir og Ingólfur Eggertsson föðurbróðir minn tóku okkur fagnandi. Þau höfðu aldrei heyrt Gunnars getið að þau héldu. Gunnar og Ingólfur gátu því sest að spjalli á pallinum án fyrirfram mótaðra skoðana hvor á öðrum. Þeir fundu fljótt sameiginlega þræði og úr varð samtal sem ég efa ekki að verði þeim báðum eftirminnilegt og ekki síður þeim sem á hlýddu af kantinum. 

Gunnar fer ekki um með látum. Hefur sinn takt. Tekur oftast ígrundaðar ákvarðanir. Stundum samt hvatvís. Hvort ákvörðun hans, eins og sagan segir,  að hætta að spila með Dúmbó og Steina í miðju lagi á balli á Hótel Akranesi hafi verið ígrunduð er erfitt að segja. Þeir sem eftir stóðu á sviðinu misstu hins vegar taktinn um tíma. 

Félagsmálatröll vinna enga sigra án baklands. Ekki síst hjá sínum nánustu. Þar er Gunnar ríkur maður. 

Ég hef aldrei skilið þann sið samlanda minna að geta vart þakkað samborgurum sínum fyrir sín störf og kynni nema eftir að þeir eru allir. Mér finnst hitt betra að gera það augliti til auglitis. Í dag get ég ekki flutt Gunnari mínar bestu kveðjur augliti til auglitis þar þau hjónin dvelja nú undan Afríkuströndum. 

Því verður hann að þola þessi skrif mín úr fjarlægð. 

Fáir Akurnesingar hafa markað jafn djúp spor í samfélagi sínu og afmælisbarn dagsins. Til hamingju með daginn Gunnar Sigurðsson.

Halldór Jónsson.

Dúmbó sextett í Hótel Akranes í okt. 1963.
Frá vinstri: Trausti Gamalíel Finnsson, Ásgeir Rafn Guðmundsson, Sigurður, Sigursteinn Hákonarson, Gunnar Sigurðsson, Jón Trausti Hervarsson og Finnbogi Gunnlaugsson. Mynd/Ljósmyndasafn Akraness. 

Frá vinstri: Gunnar Sigurðsson, sir Alex Ferguson og Gísli Gíslason. Mynd: Ljósmyndasafn Akraness. 

Gunnar Sigurðsson á knattspyrnuleik.Ljósmyndasafn Akraness. 

Ágústa Rósa Andrésdóttir er nýr forstöðumaður íþróttamannvirkja á Akranesi.

Ágústa Rósa er frá Akranesi og hefur m.a. verið formaður karatefélags Akraness, setið í stjórn badmintfélags Akraness og í framkvæmdastjórn Íþróttabandalags Akraness. Ágústa hefur starfað sem æskulýðsfulltrúi í Hvalfjarðarsveit, og nú síðast sem  Forstöðumaður Frístundasels Lágafellsskóla í Mosfellsbæ.

Bæjarstjórn Akraness samþykkti ráðningu Ágústu á síðasta bæjarstjórnarfundi. Alls sóttu 17 manns um starfið. Hörður Kári Jóhannesson hefur verið forstöðumaður íþróttamannvirkja á Akranes og var honum þökkuð góð störf á bæjarstjórnarfundinu.

Ágústa er fædd árið 1971 og hún er gift Herði Svavarssyni rafvirkja og þau eiga þrjú börn, Andrés Má,  Aðalheiði Rósu og
Ólaf Elías.

Ágústa Rósa Andrésdóttir.

 

Eftirtaldir sóttu um starfið:

Ágústa Rósa Andrésdóttir
Baldvin Bjarki Baldvinsson
Daisy Heimisdóttir
Ellert Baldur Magnússon
Eyrún Ída Guðjónsdóttir
Finnbogi Rafn Gudmundsson
Guðbjartur Máni Gíslason
Helena Rúnarsdóttir
Helgi Magnússon
Indriði Jósafatsson
Ingimar Elí Hlynsson
Magnús Gísli Sveinsson
Óli Þór Júlíusson
Pétur V. Georgsson
Ragnheiður Smáradóttir
Sturlaugur Sturlaugsson
Valdimar Leó Friðriksson

Eva Björg Ægis­dóttir frá Akranesi fékk í dag afhent spennu­sagna­verð­launin Svart­fuglinn fyrir bókina Marrið í stiganum.

Eliza Reid, forsetafrú, af­henti verðlaunin.

 

Yrsa Sigurðar­dóttir og Ragnar Jónas­son eru hug­mynda­fræðingarnir að baki verð­laununum sem ætluð eru höfundum sem ekki hafa áður sent frá sér glæpa­sögu. Þetta kemur fram í Fréttablaðinu í dag.

Eva er eins og áður segir frá Akranesi en foreldrar hennar eru Ægir Jóhannsson og Sigríður Björk Kristinsdóttir.


Í áliti dómnefndar um bókina segir meðal annars: „Sagan er grípandi og spennandi samhliða því að veita innsýn í myrkan og sáran veruleika. Fléttan er fagmannlega unnin, söguþráðurinn sterkur og sögulokin koma lesandanum á óvart.“

Verðlaunin nema 500.000 krónum auk hefðbundinna höfundarlauna. Sigurvegaranum býðst einnig samningur við umboðsmanninn David H. Headley en tímaritið Bookseller útnefndi hann sem einn af 100 áhrifamestu mönnum breskrar bókaútgáfu árið 2015.

Eva er með MSc gráðu í alþjóðamálum frá Tækniháskólanum í Þrándheimi og BA gráðu í félagsfræði frá Háskóla Íslands. Hún starfar hjá fyrirtækinu Maskína en hún hefur einnig starfað á þróunarsviði VÍS tryggingafélags, verið aðstoðamaður við viðskiptafræðideild Háskóla Íslands og sem starfsmaður á alþjóðasviði hjá utanríkisráðuneytinu í Noregi. Þá hefur hún starfað sem fyrsta flugfreyja hjá flugfélaginu Wow Air.

Skagafrettir.is hefur frá upphafi verið opinn fréttavefur og markmiðið er að halda áfram á þeirri vegferð.

Áhugi á efninu er til staðar. Mörg þúsund heimsóknir á hverjum degi á skagafrettir.is staðfestir að lesendur hafa áhuga á jákvæðum fréttum úr nærsamfélaginu.

Þú kæri lesandi getur tekið þátt í að efla fréttavefinn skagafrettir.is með þínu framlagi. Slíkur stuðningur er afar mikilvægur fyrir bæjarfréttamiðla.

Það er hart sótt að bæjar - og staðarfréttamiðlum á Íslandi - og slíkir miðlar eru í raunverulegri útrýmingarhættu.

Skagafréttir fóru í loftið í nóvember 2016 og frá þeim tíma hafa vel á fjórða þúsund fréttir verið skrifaðar á skagafrettir.is.

Skagafréttir ehf.
552-26-11875
440219-0550

Frjáls framlög frá lesendum eru styrkasta stoðin í rekstri Skagafrétta. Slíkur stuðningur er afar mikilvægur og hvatning til að halda áfram að miðla því öllu því jákvæða sem er í gangi á Akranesi og hjá Skagamönnum nær og fjær.

Frjáls framlög gefa jákvæða strauma og kraftmeiri fréttaflutning.

Skagafréttir ehf.
552-26-11875
440219-0550

Kærar þakkir fyrir allar heimsóknirnar á skagafrettir.is og stuðninginn.

Skagafréttir ehf.
552-26-11875
440219-0550

http://localhost:8888/skagafrettir/2021/03/18/baejarmidlarnir-eru-i-raunverulegri-utrymingarhaettu/

Ungir og efnilegir leikarar með sterka tengingu á Akranes leika stórt hlutverk í nýrri kvikmynd sem frumsýnd verður þann 23. mars 2018. Myndin heitir Víti í Vestmannaeyjum og er fjölskyldumynd með vísun í sannsögulega atburði. Viktor Benóný Benediktsson, 12 ára, og Theodór Ingi Óskarsson, 11 ára, fengu að upplifa það að leika í þessari mynd og skagafrettir.is fékk þá félaga til þess að segja aðeins frá þeirra upplifun. Stiklu úr myndinni má sjá hér neðst í fréttinni.

Myndin verður að sjálfsögðu sýnd í Bíóhöllinni á Akranesi, laugardaginn 24.  mars og sunnudaginn 25. mars.

Viktor og Theodór ætla sér að lesa meira en þeir hafa gert áður og leiklistinn hefur svo sannarlega fangað athygli þeirra.

Theodór og Viktor

Nafn: Viktor Benóný Benediktsson.

Aldur: 12 ára.
Skóli: Breiðagerðisskóli.
Bekkur: 7 bekkur.
Besti maturinn: Hamborgarahryggur og Sushi.
Besti drykkurinn: Vatn.
Besta lagið/tónlistin. Michael Jackson – Beat It.
Á hvað ertu að horfa þessa dagana? (sjónvarpsþættir)
Stranger things 2 og Friends.

 

Ættartréð:
Benedikt Steinar Benónýsson er pabbi minn og Íris Dögg H Marteinsdóttir er stjúpmamma mín, og systkini mín eru þau Tindur Marinó (5 ára) og Hafrún Embla (11 ára).
Auður Valdís Grétarsdóttir er mamma mín og stjúppabbi minn er Guðmundur Ingiberg Arnarsson, og systkini mín eru Elmar Benvý (4 ára) og Arnar Levý (6 ára). Og ekki má gleyma ömmu minni sem heitir Hulda Jónína Jónsdóttir

Theodór ásamt systkinum sínum.


Hvernig kom það til að þú fékkst hlutverk í myndinni?
„Ég mætti í nokkrar prufur fyrir myndina, mamma sá auglýsingu fyrir prufurnar á Facebook.“

Hefur þú leikið áður í kvikmynd?
„Já, en oftast bara í aukahlutverkum og í þáttum. T.d. Fyrir framan annað fólk og Loforði.“

Hefur þú áhuga á leiklist?
„Já mjög mikinn áhuga, ég ætlaði að verða lögga þegar ég yrði stór. En svo kynntist ég kvikmyndaheiminum og fann að þetta var ætlað mér.“

Ertu að æfa fótbolta og með hvaða liði þá?
„Nei, ég æfði fótbolta en er í pásu. Æfi í dag Handbolta með Víkingi og er markmaður.“


Framtíðardraumar þínir, hverjir eru þeir?
„Að það komi stjarna með nafninu mínu á Hollywood Boulevard.“

Hvað er það eftirminnilegasta sem gerðist við tökurnar á myndinni?
„Þegar var fyrsti tökudagurinn í Eyjum og það var brjálað veður.“

Hvert er vandræðalegasta atvikið sem gerðist við tökurnar á myndinni?
„Þegar ég fékk hiksta í miðri töku.“

Hvaða áhugamál hefur þú fyrir utan leiklist og fótbolta?
„Vinir mínir og snjóbretti.“

Lestu mikið, bækur og slíkt?
„Nei, en ég er að bæta mig í því.“

Hefur þú lesið aðrar bækur sem eru eftir höfundinn á Víti í Vestmannaeyjum?
„Já, Amma er Best (mæli með henni ;).“

Langar þig að taka þátt í fleiri slíkum kvikmyndaverkefnum?
„Auðvitað, ef þið viljið fá mig í verkefni hringið þá í mig.“

ÍA og Akranes, hvernig er tengingin þín?
„Ég fæddist á Akranesi og kom reglulega til pabba á Akranes. Ég var líka mikið í sveitinni hjá ömmu og afa. Ég var mjög ungur þegar ég átti heima á Akranesi en man mjög vel eftir því þegar eg fór á Langasand hjá Fríðu frænku og man líka þegar ég fór í Jaðarsbakkalaug með afa það var mjög skemmtilegt.“

Nafn: Theodór Ingi Óskarsson.

Aldur: 11 ára.
Skóli: Norðlingaskóli.
Bekkur: 6. bekkur.
Besti maturinn: Fajitas.
Besti drykkurinn: Vit-Hit og Sparkling ICE.
Besta lagið/tónlistin: Perfect með Ed Sheeran.
Á hvað ertu að horfa þessa dagana? (sjónvarpsþættir): Horfi lítið á sjónvarpsþætti en stundum á bíómyndir. Horfði síðast á Home Alone.

 

Ættartréð: Foreldrar mínir eru Óskar Örn Guðbrandsson og Áslaug Ósk Hinriksdóttir. Systkini mín eru Þuríður Arna (15 ára), Oddný Erla (13 ára), Hinrik Örn (9 ára) og Jóhanna Ósk (4 ára).


Hvernig kom það til að þú fékkst hlutverk í myndinni?
„Ég fór í prufur sem voru auglýstar og var svo valinn eftir þær.“

Hefur þú leikið áður í kvikmynd?
„Nei“.

Hefur þú áhuga á leiklist?
„Já og mig langar að leika meira.“

Ertu að æfa fótbolta og með hvaða liði þá?
„Já ég er að æfa með 5. flokki í Fylki.“

Framtíðardraumar þínir, hverjir eru þeir?
„Mig langar að vera fótboltamaður og leikari.“

Hvað er það eftirminnilegasta sem gerðist við tökurnar á myndinni?
„Þegar við vorum útá sjó og loftnet á bátnum rakst upp í kletta og datt af. Þá varð ég soldið hræddur.“

Hvert er vandræðalegasta atvikið sem gerðist við tökurnar á myndinni?
„Í sömu bátsferð átti ég að fara með langan texta en gleymdi honum alveg.“

Hvaða áhugamál hefur þú fyrir utan leiklist og fótbolta?
„Ég er líka að æfa badminton í TBR. Ég fylgist líka mjög vel með enska boltanum.“

Lestu mikið, bækur og slíkt?
„Nei ég er ekki mjög duglegur að lesa.“

Hefur þú lesið aðrar bækur sem eru eftir höfundinn á Víti í Vestmannaeyjum?
„Já ég hef lesið þær allar og þær eru mjög skemmtilegar. Hef líka lesið bækur eftir Þorgrím Þráinsson.“

Langar þig að taka þátt í fleiri slíkum kvikmyndaverkefnum?
„Já það væri gaman. Hef leikið smá eftir sumarið.“

ÍA og Akranes, hvernig er tengingin þín?
„Pabbi minn er frá Akranesi og amma og afi og systur pabba búa þar í dag ásamt fjölskyldum sínum.“

Myndin Víti í Vestmannaeyjum er byggð á fyrstu bókinni í vinsælum barnabókaflokki eftir Gunnar Helgason. Ár hvert er haldið stórt fótboltamót fyrir krakka í Vestmannaeyjum og þetta ár mætir hinn tíu ára Jón Jónsson til þess að keppa með Fálkum. En þegar hann kynnist Ívari, strák úr ÍBV sem á bágt heima fyrir, þarf Jón að vaxa hraðar úr grasi en hann óraði fyrir, bæði innan og utan vallar.

Bragi Þór Hinriksson leikstýrir en handrit skrifa Jóhann Ævar Grímsson, Gunnar Helgason og Ottó Geir Borg. Sagafilm framleiðir

Guli liturinn hefur verið einkennismerki ÍA í langan tíma en Íþróttabandalag Akraness var stofnað árið 1946.

En hvers vegna var guli liturinn fyrir valinu?, og kemur Dortmund í Þýskalandi við sögu í valinu á litnum?

Skagafréttir leituðu að sjálfsögðu í sagnabrunninn Jón Gunnlaugsson til þess að fá úr þessu skorið. Jón var leiftursnöggur að svara þegar hann var inntur eftir því hvort hann vissi eitthvað um valið á gula litnum.

„Söguna má rekja til ársins 1950 þegar Karl Guðmundsson, fyrirliði íslenska landsliðsins og leikmaður Fram, var í námi í íþróttafræðum í Köln í Þýskalandi,“ segir Jón en Karl hafði þjálfað lið ÍA árið 1948 samhliða því að hann lék með Fram.

„Þessi tenging Karls við ÍA varð til þess að Guðmundur Sveinbjörnsson þáverandi formaður ÍA hafði samband við Karl í Þýskalandi. Guðmundur óskaði eftir aðstoð við að útvega búninga fyrir ÍA. Áður en þessi búningur kom þá lék liðið í hvítum skyrtum og bláum buxum. Á þessum árum mættu leikmenn til leiks í hvítu spariskyrtunum sínum.“

 

Guðmundur hafði þá ósk að fá búninga sem skáru sig frá þeim litum sem voru notaðir af knattspyrnuliðunum í Reykjavík. Rauði liturinn var Valsbúningurinn, sá blái hjá Fram, og KR var með hvítar og svartar rendur á búningunum.

„Karl keypti búninga eins og óskað var eftir. Hann valdi gulan og svartan búning og þannig var liturinn ákveðinn,“ segir Jón.

Skagamenn klæddust þessum búningi fyrst vorið 1951 og þá var komið nýtt merki og urðu Íslandsmeistarar, fyrstir liða utan Reykjavíkur. Á sama tíma og nýji búningurinn kom var merki félagsins líka breytt í það sem enn er notað í dag.

Auglýsing

Auglýsing

„Það er hægt að nota ýsu eða þorsk í réttinn sem nýtur vinsælda á okkar heimili. Þetta er einfaldur réttur og sósan gerir fiskréttinn að sælkerarétti,“ segir Ástþór Vilmar Jóhannsson sem tók áskorun frá Sævari Frey Þráinssyni bæjarstjóra fagnandi. Bæjarstjóri Akraness reið á vaðið í nýjum fréttaflokki á skagafrettir.is. með uppskrift að áhugaverðum kjúklingarétti.

Markmiðið með þessum fréttaflokki er að safna saman bragðgóðum, einföldum og hollum uppskriftum. Með tíð og tíma verður til staðar sarpur af góðum hugmyndum um notkun á hráefnum þar sem að hollusta og bragðgæði eru höfð að leiðarljósi.

Fiskur hefur verið mikilvæg fæða á Íslandi frá upphafi byggðar og fáar þjóðir borða jafnmikinn fisk og við Íslendingar. Neysla Íslendinga á fiski hefur samt sem áður minnkað á undanförnum árum. Ástþór Vilmar Jóhannsson vill stuðla að breytingum á því sviði með þessari frábæru uppskrift af steiktum fiski með súrsætri sósu.

Fiskur er ákjósanleg fæða fyrir margra hluta sakir. Má þar nefna að í fiski er gæðaprótein, neysla á fiski getur dregið úr offitu, fiskur er næringarrík fæða og tvímælalaust ein sú hollasta matvara sem völ er á. Fisk ættum við ekki að borða sjaldnar en 3 sinnum í viku.

Ástþór Vilmar skorar á Ingu Dóru Jóhannsdóttur, systur sína, að taka við keflinu og koma með næstu uppskrift áður en langt um líður.

Pönnusteikt ýsa/þorskur með súrsætri sósu

Hráefni:

600 gr. Ýsa eða þorskur
Hveiti
1-2 egg
Salt
Pipar
Matarolía eða smjör til steikingar

Sósa:

½ l vatn
100gr.sykur
9 msk vínedik
1 msk tómatkraftur
3 msk sojasósa
Maizena-sósu jafnari
100gr sveppir
1 græn paprika
1 rauð paprika
100 gr Laukur
100 gr blaðlaukur
100 gr ananasbitar

  1. Skerið fiskinn í bita og setjið til hliðar
  2. Setjið vatn,sykur,edik,tómatkraft og soyasósu í pott. Hleypið upp suðu og þykkið með maizena-sósujafnara.
  3. Skerið sveppi,lauk,blaðlauk í sneiðar og papriku í strimla(ekki of fínt)
  4. Brúnið sveppi,lauk, blaðlauk,papriku,og ananasbita í matarolíu og bætið út í sósuna. Sósan þarf ekki að sjóða mikið.
  5. Hrærið eggin saman og kryddið hveitið með salti og pipar. Veltið fiskinum fyrst upp úr hveitinu og síðan egginu.
  6. Steikið fiskinn í olíu eða smjöri og rétturinn er tilbúinn.

Meðlæti:

Berið réttinn fram með hrísgrjónum eða kartöflum.
Þessi sósa er einnig sérlega ljúffeng með steiktu kjöti.

http://localhost:8888/skagafrettir/2020/09/04/kjuklinga-pad-krapow-er-vinsaell-rettur-a-heimili-saevars-freys/

Bæjarstjóri Akraness ríður á vaðið í nýjum fréttaflokki á skagafrettir.is. Markmiðið er að safna saman bragðgóðum, einföldum og hollum uppskriftum. Með tíð og tíma verður til staðar sarpur af góðum hugmyndum um notkun á hráefnum þar sem að hollusta og bragðgæði eru höfð að leiðarljósi.

„Þetta er mjög vinsæll réttur á heimilinu en ég fletti upp uppskrift að honum sumarið 2018 þegar fótboltastrákunum var bjargað úr hellinum í Taílandi. Í einni fréttinni kem fram að Pad Krapow með kjúklingi var það fyrsta sem þeir báðu um að borða og ákvað ég að elda þennan rétt þeim til heiðurs daginn sem þeim var bjargað. Þessi réttur með salati dugar auðveldlega fyrir fjóra,“ segir Sævar Freyr Þráinsson.

Sævar Freyr skorar á Ástþór Vilmar Jóhannsson að taka við keflinu og koma með næstu uppskrift en verkefnið er hluti af „Heilsueflandi Samfélagi“ á Akranesi.

Kjúklinga Pad krapow

Hráefni (mæli með að gera hráefni tilbúið fyrirfram því það tekur bara um 12-15 mín að elda):

3 til 4 msk olía

3 chilli fræ hreinsuð og skorin í sneiðar (ég skar smátt. (hef fræin af einu chilli með til að hafa hann bragð sterkari)

3 skallottulaukar, skornir í þunnar sneiðar (ég skar smátt)

5 hvítlauksrif skorin í þunnar sneiðar

600-700 gr kjúklingalæri beinhreinsuð án skinns (set í matvinnsluvél og tæti kjúkling niður í hakk) Ekki henda kjúklingafitu hún bráðnar og gefur bragð)

1 msk sykur (pálma/kókossykur ef til)

3 msk soyasósa

1 1/2 msk fiskisósa

1/2 bolli kjúklingasoð (ég hitaði vatn í örbylgju og leysti upp 1/2 tening)

1 búnt Thai basil lauf (má sleppa og hefur ekki mikil áhrif á réttinn eða nota ferskt venjulegt. Thai basil er til í asísku búðunum í Rvk).

Leiðbeiningar:

Sjóðið hrísgrjón á meðan. Hæfilegur skammtur fyrir fjóra ættu að vera 3 bollar af grjónum. Þarf töluvert með þessum rétt.

Setja stóra pönnu á hæsta hita, bætið við olíu, chilli, skallottulauk og hvítlauk, og steikið í 1-2 mínútur þar til búið að mýkjast og jafnvel farið að brúnast lítillega í endum. Bætið við kjúklinga ”hakkinu” og steikið í um 5 mín þar til farið að brúnast lítillega. Tryggið að kjúklingurinn loði ekki saman og reynið að brjóta niður stærri bita.

Bætið við sykur, soyasósu, og fiskisósu. Steikið í aðra mínútu og jafnvel lengur þar til soð hefur að mestu horfið. Bætið þá út í kjúklingasoði og eldið áfram þar til mest af soðinu er horfið og farið að hjúpa kjúklinginn. Þetta á ekki að taka langan tíma 5-7 mín því pannan er á hæsta hita. Bætið við basil laufum og steikið í stutta stund þar til þau hafa visnað og blandast réttinum.

Berið fram með ríflegu magni af hrísgrjónum í skál þar sem hver og einn bætir ofan á réttinum og soyasósu að smekk hvers og eins.

Pad krapow með hrísgrjónum án salats stendur vel undir væntingum. Ef eldað er fyrir fleiri þá er auðvelt að tvöfalda allt í réttinum en gera þarf ráð fyrir lengri tíma í að sjóða niður vökva.

Asískt salat

70 gr jöklasalat skorið smátt.
70 gr rauðkál skorið í þunnar ræmur.
1/2 appelsínugul papríka (eða rauð eða gul) skorin í þunnar sneiðar.
50 gr gulrætur rifnar eða sneiddar þunnt.
1 vorlaukur skorin í þunnar sneiðar.
1 msk steinselja skorin smátt.
80 gr edamame baunir (fást frosnar belg hreinsaðar í flestum búðum nú orðið).
1 /2 tsk ferskt engifer saxað smátt.
1 hvítlauksrif saxað smátt.
1/2 msk soya sósa.
1 msk hlynsíróp (eða hunang).
1 msk hrísgrjóna edik (eða sítrónusafi).
1 msk extra virgin olívu olía.
1/2 msk ristuð sesam olía.
1 msk sesam fræ (má sleppa).

Leiðbeiningar:

Allt skorna hráefnið sett í skál og blandað vel saman. Fljótandi hráefnum blandað saman og svo sett út í salatskálina og öllu velt saman.

Kær kveðja, Sævar Freyr Þráinsson.

Séra Jónína Ólafsdóttir og Þóra Björg Sigurðardóttir eru nýkjörnir prestar við Garða- og Saurbæjarprestakall í Vesturlandsprófastsdæmi sem biskup Íslands auglýsti til umsóknar í desember s.l.

Kjörið fór fram mánudagskvöldið 17. febrúar s.l. á Akranesi.

Framvegis munu því þrír prestar þjóna í Garða- og Saurbæjarprestakalli og munu þeir allir þjóna þeim sóknum er tilheyra prestakallinu sem eru Akranes, Saurbæjar, Leirár og Innra-Hólmssókn.

Sr. Jónína Ólafsdóttir var kjörin í almennt preststarf en Þóra Björg Sigurðardóttir í preststarf með áherslur á barna- og æskulýðsstarf.

Alls bárust sjö umóknir um störfin en 17 manna kjörnefnd úr héraði valdi þær Jónínu og Þóru Björg úr hópi 4 umsækjenda eftir forval matsnefndar um hæfi umsækjenda sem skipuð var af Biskupi Íslands.

Þess má geta að tveir af sjö umsækendum drógu umsóknir sínar til baka.

Sr. Jónína Ólafsdóttir

Sr. Jónína Ólafsdóttir er fædd 14. ágúst 1984. Hún lauk prófi í guðfræði frá Háskóla Íslands 2017 og BA próf í íslensku með félagsfræði sem aukagrein frá Háskóla Íslands árið 2008.

Á liðnu ári lauk Jónína diplómanámi á meistarastigi í sálgæslu frá Endurmenntunarstofnun HÍ sem og 90 einingum af 120 til MA prófs í guðfræði.

Jónína hefur gengt ýmsum störfum innan kirkjunna frá árinu 2007 en hefur starfað sem settur prestur í Dalvíkurprestakalli frá 1 okt. 2019. Eiginmaður hennar er Eggert Þröstur Þórarinsson og eiga þau tvo syni.

Þóra Björg Sigurðardóttir

Þóra Björg Sigurðardóttir er fædd 25. janúar 1989. Hún lauk prófi í guðfræði frá Háskóla Íslands árið 2019 og BS próf í sálfræði frá Háskóla Íslands 2016. Þóra Björg hefur starfað sem ritari og æskulýðsfullrúi við Grafarvogskirkju frá árinu 2011 en komið að kristilegum störfum frá árinu 2008 m.a. á vegum KFUM&K í sumarbúðunum í Vatnaskógi og Ölver. Þess má geta að Þóra Björg hefur enn sem komið er ekki hlotið vígslu sem prestur. Eiginmaður hennar er Geirlaugur Ingi Sigurbjörnsson. Eiga þau tvö lítil börn og eru búsett á Akranesi.

Eins og áður segir munu þrír prestar þjóna í Garða- og Saurbæjarprestakalli og munu þeir allir þjóna þeim sóknum er tilheyra prestakallinu sem eru Akranes, Saurbæjar, Leirár og Innra-Hólmssókn.

Fyrir er séra Þráinn Haraldsson en hann var kjörin sem sóknarprestur á liðnu ári. Þetta er í fyrsta skiptið sem konur eru kjörnar til prestembæta í Garða – og Saurbæjarprestakalli. Eru því um mikil tímamót að ræða.

Einnig er mjög áberandi hve verðandi prestateymi eru ung að aldri en þau eru öll vel undir fertugu. Það er engu líkarar en að kjörnefnd Garða- og Saurbæjarprestakalls séu að leggja áherslu að yngja verulega upp í sóknarstarfinu á komandi árum.

Í dag hófst formleg söfnun í minningarsjóð Arnars Dórs Hlynssonar. „Hjá okkur hjá Sansa verður þannig háttur á að í þessari pöntunarviku, sem stendur fram til miðnættis 10. janúar munu 750 kr. af hverjum matarpakka fara í minningarsjóð Arnars Dórs.

„Arnar Dór Hlynsson var topp náungi en ótrúlega óheppinn með veikindi. Hann kvartaði samt aldrei. Minningarsjóður Arnars Dórs er stofnaður af Sansa, Team ´79 og ÍA. Sjóðurinn mun í framtíðinni styðja við bakið á góðum málum sem tengjast uppáhaldsíþróttum Arnars Dórs,“ segir Þórður Már Gylfason eigandi Sansa við skagafrettir.is.

ÍA mun hafa umsjón með minningarsjóðnum og verður úthlutað úr sjóðnum einu sinni á ári.

„Arnar Dór vinur minn lést þann 14. september 2017, langt fyrir aldur fram. Á þeim tíma var ég að setja fyrirtækið á laggirnar og það gafst enginn tími til þess að gera það sem mig langaði að gera til að heiðra minningu hans. Með hjálp margra þá er þessi minningarsjóðurinn nú til. Árgangur 79 sem Arnar Dór tilheyrði á stóran þátt í þessu ásamt ÍA og foreldrum Arnars Dórs.

Niðurstaðan er sú að minningarsjóður Arnars Dórs mun styrkja þau aðildarfélög ÍA sem hann tengdist. Það eru golf, fótbolti og kraftlyftingar. Arnar Dór var mikill stuðningsmaður knattspyrnunnar, hann var á golfvellinum flesta daga og lyfti lóðum af krafti þess á milli.“

Fyrirtækið Sansa sem Þórður Már setti á laggirnar á Akranesi í fyrra sérhæfir sig í því að útbúa matarpakka fyrir einstaklinga og fjölskyldur. Óhætt er að segja að viðtökurnar hafi farið fram úr björtustu vonum Þórðar.

„Síðasta vika var sú besta frá upphafi, metvika, og ég vona að þessi vika verði ekki síðri til þess að efla minningarsjóð Arnars Dórs. Og að sjálfsögðu er einn af réttum vikunnar uppáhaldsfiskisúpa Arnars Dórs,“ bætti Þórður Már við.

Fyrir þá sem vilja leggja inn á minningarsjóð Arnars Dórs þá er þetta númerið á styrktarreikningnum:

552-14-350047

kt. 670169-2199


Auglýsing

Það er ekkert leyndarmál að Skagamaðurinn Ólafur Þórðarson segir það sem hann meinar – og hann liggur ekki á skoðunum sínum. 

Ummæli Ólafs á ýmsum málum hafa verið til umfjöllunar í fréttamiðlum á landsvísu og vakið mikla athygli.

Á Þorrablóti Skagamanna lék Ólafur stórt hlutverk í skemmtiatriði 1978 árgangsins – og má sjá það hér fyrir neðan.

Ólafur Þórðarson er einn þekktasti knattspyrnumaður Skagamanna fyrr og síðar. Landsliðsmaður til margra ára og lykilmaður í hinu sigursæla liði ÍA sem mokaði inn titlum seint á síðustu öld.

Ólafur snéri sér að þjálfun eftir að ferlinum lauk og undir hans stjórn varð karlalið ÍA m.a. Íslandsmeistari árið 2001.

ÍA hefur ekki náð að landa Íslandsmeistaratitli í mfl. karla frá árinu 2001.

Auglýsing

Auglýsing

Auglýsing

Auglýsing

Auglýsing

Auglýsing