Stórar fréttir úr herbúðum Knattspyrnufélagsins Kára berast á hverjum degi þessa dagana.
Í gær var greint frá því að Gunnar Einarsson tekur við liðinu sem þjálfari.
![](https://skagafrettir.is/wp-content/uploads/2020/06/101068645_3136017816485889_1019861768509325312_o-1-1132x670.jpg)
Og í dag var greint frá því að hinn þaulreyndi framherji Garðar Bergmann Gunnlaugsson hafi gengið í raðir Kára.
Garðar, sem er 36 ára, var í herbúðum Vals á síðustu leiktíð en hann lék lengi með ÍA og var m.a. markahæsti leikmaður efstu deildar árið 2016.
Garðar hefur leikið sem atvinnumaður í Svíþjóð, Búlgaríu, Austurríki og Þýskalandi.
Kári leikur í þriðju efstu deild eða 2. deild og verður spennandi að fylgjast með liðinu á Íslandsmótinu 2020.
![](http://localhost:8888/skagafrettir/wp-content/uploads/2020/06/101068645_3136017816485889_1019861768509325312_o-613x1024.jpg)
![](http://localhost:8888/skagafrettir/wp-content/uploads/2020/06/Screen-Shot-2020-06-03-at-11.53.21-PM.png)