Nýverið var lokið við að setja upp búnað í Hvalfjarðargöngum sem mælir meðalhraða bifreiða með tilliti til þess hvort ekið sé yfir löglegum hraða. Þetta kemur fram í frétt á mbl.is.
Þar kemur einnig fram að sérfræðingar séu að ganga úr skugga um að mælingarnar séu nákvæmar. Þegar því verkefni verður lokið mun Vegagerðin tilkynna lögreglu og öðrum að búnaðurinn sé tilbúinn til notkunar.
Nú þegar eru meðalhraðamyndavélar á Grindavíkurvegi, þar sem hámarkið er 90 km/klst., og 70 km/klst. í Norðfjarðargöngunum. Reynslan af þeim þykir ágæt og tilgangurinn með myndavélum þykir hafa sannast. Þeir ökumenn sem oft aka greitt hafa yfirleitt ekki verið á miklu meira en 3-7 km á klst meira en leyfilegt er.
Úrvinnsla upplýsinga úr hraðamyndavélum, eins og þeim sem nú verða settar upp í Hvalfjarðargöngum, er hjá Lögreglustjóranum á Vesturlandi. Göngin sjálf eru á varðsvæði lögreglu á höfuðborgarsvæðinu.