[sam_zone id=1]

Smelltu hér ef þú vilt styrkja Skagafréttir

Börn – og unglingar á Akranesi eru í fremstu röð á landsvísu þegar kemur að því að nýta tómstundaframlag Akraneskaupstaðar.

Gera má ráð fyrir að það séu foreldrar barna – og unglinga sem eru vel vakandi þegar kemur að þessum málaflokki.  

Nýtingarhlutfall á tómstundaframlagi er 84% og hefur það aukist um 7% á milli ára. 

Mynd/skagafrettir.is – smelltu hér fyrir myndasafn Skagafrétta. 

Fram kemur í fundargerð skóla – og frístundaráðs að Akranes hafi verið með eitt hæsta hlutfallið á landsvísu þegar kemur að þátttöku barna – og unglinga í skipulögðu íþrótta – og tómstundastarfi.

Gögn sem ráðið vísar í benda til þess að tómstundaframlag fyrir 5 ára börn hafi jákvæð áhrif á þessa þróun og tilkoma World Class hafi einnig áhrif á aukninguna. 

Akraneskaupstaður styrkir frístundaiðkun allra barna og unglinga á aldrinum 5-17 ára sem hafa lögheimili á Akranesi.

Upphæðin er 40.200 krónur fyrir eitt barn, 45.200 krónur fyrir hvert barn þar sem tvö börn eru skráð með sama lögheimili og 51.000 krónur fyrir hvert barn þar sem þrjú eða fleiri börn eru skráð með sama lögheimili.

Fimm ára börn fá hálfan styrk og 6-17 ára fullan styrk.

Smelltu hér ef þú vilt styrkja Skagafréttir

Smelltu hér ef þú vilt styrkja Skagafréttir

Fjölbrautaskóli Vesturlands er komið áfram í 8-liða úrslit í spurningakeppni framhaldsskólanna, Gettur betur.

FVA sigraði Framhaldsskólann í Austur-Skaftafellssýslu 11-8 í 16-liða úrslitum, 11-8.

FVA mun því keppa í beinni sjónvarpsútsendingu á RÚV í næstu umferð. 

Alls eru 27 skólar sem taka þátt en MK sat yfir í fyrstu umferð en skólinn er ríkjandi meistari í keppninni.

FVA sigraði lið Fjölbrautaskóla Garðabæjar í 1. umferð í spennandi keppni, 24-16.

Sunna Arnfinnsdóttir, Ísólfur Darri Rúnarsson og Morten Ottesen eru í liði FVA.

Menntaskólinn við Hamrahlíð, Fjölbrautaskóli Suðurlands, Fjölbrautaskóli Vesturlands og Menntaskólinn á Egilsstöðum hafa tryggt sér sér sæti í átta liða úrslitunum.

Miðvikudaginn 21. janúar kemur í ljós hvaða fjórir skólar til viðbótar tryggja sér sæti í sjónvarpskeppninni. 

Þetta eru þeir skólar sem eiga eftir að mætast eru:
Menntaskólinn að Laugarvatni – Menntaskólinn við Sund.
Borgarholtsskóli – Fjölbrautarskóli Norðurlands Vestra.
Verzlunarskóli Íslands – Flensborgarskólinn í Hafnarfirði.
Menntaskólinn í Reykjavík – Kvennaskólinn í Reykjavík.

Smelltu hér ef þú vilt styrkja Skagafréttir

Guðmundur Þórarinsson samdi í dag við Knattspyrnufélag ÍA til næstu tveggja ára. Guðmundur hefur leikið sem atvinnumaður undanfarin 13 ár en hann er fæddur árið 1992 og hefur leikið 15 A-landsleiki. 

Guðmundur er örfættur og getur leyst ýmsar stöður á vellinum, en mest hefur hann leikið sem vinstri bakvörður, og sem miðjumaður.

Hann hóf knattspyrnuferilinn í heimabænum Selfossi árið 2008, hann hefur leikið með ÍBV, Sarpsborg í Noregi, Nordsjælland í Danmörku, Rosenborg í Noregi þar sem hann varð meistari árið 2017. Hann lék í kjölfarið með Norrköping í Svíþjóð,  New York í Bandaríkjunum þar sem hann varð meistari, Aab í Danmörku, OFI á Grikklandi og nú síðasta með Noah í Armeníu. 

Guðmundur á 15 A-landsleiki að baki fyrir íslenska karla landsliðið – en hann lék einnig yfir 30 leiki með yngri landsliðum Íslands. 

Guðmundur hefur einnig látið að sér kveða á tónlistarsviðinu og gefið út mörg lög. Þar á meðal þetta sem er hér fyrir neðan. 

Mynd: Jón Gautur foto. 

Smelltu hér ef þú vilt styrkja Skagafréttir

Skagamenn eru í neðsta sæti í Bónusdeild karla á Íslandsmótinu í körfuknattleik þegar 14 umferðum er lokið í efstu deild. 

ÍA tapaði gegn Njarðvík á föstudaginn á útivelli, 84:71.

Þetta var sjötti tapleikur ÍA í röð. ÍA sigraði Álftanes þann 21. nóvember s.l. og var það síðasti sigurleikur Skagmanna í deildinni. 

Skagaliðið hefur átt í vandræðum eftir að miðherjinn Gojko Zudzum meiddist á hné um miðjan desember s.l. 

ÍA hefur tapað öllum leikjum sínum þar sem að Bosníu og Hersegovínu maðurinn, Zudsum, hefur verið fjarverandi.

Zudsum sýndi og sannaði á fyrri hluta tímabilsins að hann er einn besti leikmaður deildarinnar og fjarvera hans hefur því mikil áhrif á gengi liðsins.

Framundan eru mikilvægir leikir í deildinni. ÍA á útileik gegn Álftanesi þann 22. janúar og næsti heimaleikur er gegn KR þann 29. janúar. 

Smelltu hér ef þú vilt styrkja Skagafréttir

Eins og áður hefur komið fram á skagafrettir.is hefur eigandi Kirkjubrautar 4–6 sótt um að breyta húsnæðinu að hluta til í gistiheimili – og samþykkti skipulags – og umhverfisráð Akraness þá beiðni á fundi sínum þann 5. janúar s.l. 

Akraneskaupstaður taldi að grenndarkynning hafi farið fram með eðilegum hætti en annað kom í ljós. Alls áttu 29 kynningarbréf að fara út til hagsmunaaðila sem eru búsettir í næsta nágrenni við Kirkjubraut 4-6. Þessi bréf voru send út en þeir sem áttu að fá bréfin fengu þau ekki. 

Grenndarkynningarferlið þarf því að fara af stað á ný með fullnægjandi hætti – og fá hagsmunaaðilar tækifæri til þess að kynna sér málið og koma athugasemdum á framfæri. 

Skipulags – og umhverfisráð Akraness hafnaði þessari beiðni frá eiganda húsnæðisins í febrúar 2025 en í kjölfarið var umsókninni breytt – og sú tillaga fékk brautargengi í ráðinu.

Kirkjubraut 4-6 er í eigu Daníels Daníelssonar – en þar var Nína verslun til húsa þar til verslunin flutti í nýrra húsnæði við Kirkjubraut 12 í mars 2019.

Stefnt er að því að opna gistiheimili með allt að 8 herbergjum – og verður inngangur frá Suðurgötu inn í gistinguna.

Gengið verður inn í verslunar – og skrifstofurými frá Kirkjubraut.

Eins og staðan er á Akranesi núna þá er eitt gistiheimili í rekstri við Stillholt þar sem leyfi er fyrir 26 einstaklingum í gistingu.

 

 

 

 

 

 

Smelltu hér ef þú vilt styrkja Skagafréttir

Smelltu hér ef þú vilt styrkja Skagafréttir

Gamla Landsbankahúsið hefur verið selt fyrir 70 milljónir kr. Frá þessu er greint á vef Akraneskaupstaðar. Hraun fasteignafélag kaupir húsið af Akraneskaupstað.

Nýir eigendur hafa hug á því að í húsinu, sem er þrjár hæðir, verði hótel og veitingastaður. Þeir ætla að sækja um heimild til að bæta fjórðu hæðinni við. 

Þeir sem eru skráðir sem eigendur Hraun 900 Fasteignafélags ehf. eru Ívar Freyr Sturluson, Höskuldur Gunnlaugsson og Guðjón Pétur Lýðsson.

Ívar Freyr, Höskuldur og Guðjón Pétur hafa á undanförnum árum verið í samstarfi með fyrirtækið Skjálausnir en þeir hafa allir komið víða við í nýsköpun og rekstri.

Höskuldur er fyrirliði knattspyrnuliðs Breiðabliks og Guðjón Pétur á langan feril að baki sem leikmaður í efstu deild í knattspyrnu.

Ívar Freyr á einnig feril í fótboltanum en hann hefur komið að markaðsmálum hjá ýmsum fyrirtækjum á undanförnum árum

Nánar í tilkynningu Akraneskaupstaðar – smelltu hér:

Smelltu hér ef þú vilt styrkja Skagafréttir

Smelltu hér ef þú vilt styrkja Skagafréttir

Valgarður Lyngdal Jónsson, forseti bæjarstjórnar Akraness, hefur ákveðið að gefa ekki kost á sér á framboðslista Samfylkingarinnar í sveitastjórnarkosningunum í vor. 

Þetta kemur fram í tilkynningu á vef Skessuhorns og á fésbókarsíðu Valgarðs. 

Valgarður hefur setið í bæjarstjórn Akraness í 12 ár. Hann hefur leitt lista Samfylkingarinnar í tvennum kosningum, 2022 og 2018. 

Frá árinu 2018 hefur hann verið forseti bæjarstjórnar. Hann var kosinn í oddvitasæti hjá Samfylkingunni í Alþingiskosningunum árið 2021 

Valgarður á farsælan feril að baki sem kennari, en hann hefur starfað við bæði kennslu og stjórnun á Patreksfirði, við Árbæjarskóla, á Flúðum og við báða grunnskólana á Akranesi.

Smelltu hér ef þú vilt styrkja Skagafréttir

Smelltu hér ef þú vilt styrkja Skagafréttir

Bæjarráð hefur samþykkt samning um sölu á fasteigninni Suðurgötu 57 og hefur vísað málinu til bæjarstjórnar til endanlegrar ákvörðunar. Þetta kemur fram í fundargerð ráðsins – en ekki er greint frá því hver kaupandinn er.

Um er að ræða gamla Landsbankahúsið við Akratorg.

Eins og áður hefur komið fram á skagafrettir.is hafa þrír aðilar sýnt því áhuga að kaupa gamla Landsbankahúsið við Akratorg.

Akraneskaupstaður auglýsti í febrúar á síðasta ári eftir eftir samstarfsaðila til þess að blása lífi í svæðið við Akratorg. Þar var efst á baugi að selja gamla Landsbankahúsið samhliða því að hefja uppbyggingu á svæðum við Suðurgötu 57, 47 og Skólabraut 24.

Á fyrri hluta ársins 2025 barst ekkert tilboð um kaup á húsinu en á síðari hluta ársins 2025 sýndu þrír aðilar áhuga.

Þar á meðal var Hraun 900 Fasteignafélags ehf. en Ívar Freyr Sturluson, Höskuldur Gunnlaugsson og Guðjón Pétur Lýðsson en greint var frá viðræðum þeirra við Akraneskaupstað í lok nóvember s.l. á skagafrettir.is

 

Smelltu hér ef þú vilt styrkja Skagafréttir

Smelltu hér ef þú vilt styrkja Skagafréttir

Stefán Teitur Þórðarson hefur gengið frá samningi við þýska knattspyrnuliðið Hannover 96.

Liðið er í næst efstu deild en það hefur tvívegis fagnað meistaratitlinum í Þýskalandi, árið 1938 og 1954. Hannover 96 varð þýskur bikarmeistari árið 1992.

Heimavöllur félagsins, Heinz-von-Heiden-Arena, rúmar um 50.000 áhorfendur en leikvangurinn var byggður árið 1954. Leikið var á þessum velli á HM árið 1974 og á EM árið 1988.

Skagamaðurinn, sem er 27 ára, fór í læknisskoðun hjá þýska liðinu í lok síðustu viku. Í dag var greint frá því á heimasíðu félagsins að Stefán Teitur væri í dag leikmaður Hannover 96.

Stefán Teitur hefur leikið með enska liðinu Preston North End undanfarin ár en áður var hann hjá danska liðinu Silkeborg.

Samkvæmt fréttum frá Englandi er talið að kaupverðið sé um 140 milljónir kr. – sem er svipuð upphæð og enska liðið greiddi fyrir Stefán þegar hann var keyptur frá Silkeborg árið 2024.

Landsliðsmaðurinn hefur leikið 64 leiki með Preston en hann hefur ekki fengið mörg tækifæri hjá liðinu á undanförnum vikum og mánuðum.

Hannover er í 5. sæti næstu efstu deildar.

Skagamaðurinn Ísak Bergmann Jóhannesson leikur með Köln í efstu deild en hann var áður hjá Fortuna Düsseldorf sem leikur í næst efstu deild.

Ólafur Páll Gunnarsson sendi nýverið fyrirspurn til skipulags- og umhverfisráðs þar sem hann viðrar þá hugmynd að flytja húsið sem hann á við Skólabraut 33.

Húsið, Sunnuhvoll, er í dag mikið bæjarprýði. Útvarpsmaðurinn Óli Palli hefur lagt mikla vinnu í að endurgera og laga húsið sem var byggt árið 1910. Hann keypti húsið árið 2014 en á þeim tíma var það í mjög slæmu ástandi. 

Nánar í þessari frétt á skagafrettir.is 

Sunnuhvoll myndasyrpa: Ótrúlegar breytingar hjá Óla Palla útvarpsmanni

Ólafur Páll spurði ráðið hvort skipulagsleg, lagaleg eða önnur atriði standi í vegi fyrir því að húsið að Skólabraut 33 verði flutt af lóðinni, með það fyrir augum að annaðhvort selja lóðina eða reisa þar nýja byggingu.

Í svari ráðsins kemur fram að breyta þurfi deiliskipulagi til þess að slík framkvæmd verði leyfð en svarið er í heild sinni hér fyrir neðan: 

Samkvæmt núgildandi deiliskipulagi fellur Skólabraut 33 undir hverfisvernd sem þýðir að ekki er hægt að breyta, fjarlægja eða rífa núverandi húsnæði af lóðinni nema með breytingu á deiliskipulagi. Ef farið verður áfram með málið krefst það ítarlegrar umsóknar og jafnframt umsögn Minjastofnunar en umrætt hús er byggt fyrir 1925. Skipulagsfulltrúa er falið að svara erindinu.

„Það er dásamlegt að búa í húsinu“ 

„Ég er bara að velta mér fyrir mér hvað ég á að gera við restina af lífinu,“ segir Ólafur Páll við skagafrettir.is.

„Allt mitt fólk er flutt frá Akranesi til Reykjavíkur og þau eru að ýta á mig að flytja líka. Ég var í 3 ár öllum stundum að gera upp þetta hús sem mér finnst dásamlegt að búa í.  Ef ég flyt þá þá vildi ég skoða þá möguleika sem eru í stöðunni á flutningi á húsinu.  Það er alltaf verið að flytja svona hús. Það var hús hér við götuna (Geirstaðir) sem var flutt á byggðasafnið árið 1994 til þess að yrði ekki rifið.  Ég bendi einnig á þá staðreynd að það er nú þegar heimild til þess að rífa gamla Landsbankahúsið, sem er ansi mikið stærra kennileiti við Akratorg en mitt gula hús,“ segir Ólafur Páll við skagafrettir.is. 

Smelltu hér ef þú vilt styrkja Skagafréttir

Ágústa Rósa Andrésdóttir er nýr forstöðumaður íþróttamannvirkja á Akranesi.

Ágústa Rósa er frá Akranesi og hefur m.a. verið formaður karatefélags Akraness, setið í stjórn badmintfélags Akraness og í framkvæmdastjórn Íþróttabandalags Akraness. Ágústa hefur starfað sem æskulýðsfulltrúi í Hvalfjarðarsveit, og nú síðast sem  Forstöðumaður Frístundasels Lágafellsskóla í Mosfellsbæ.

Bæjarstjórn Akraness samþykkti ráðningu Ágústu á síðasta bæjarstjórnarfundi. Alls sóttu 17 manns um starfið. Hörður Kári Jóhannesson hefur verið forstöðumaður íþróttamannvirkja á Akranes og var honum þökkuð góð störf á bæjarstjórnarfundinu.

Ágústa er fædd árið 1971 og hún er gift Herði Svavarssyni rafvirkja og þau eiga þrjú börn, Andrés Má,  Aðalheiði Rósu og
Ólaf Elías.

Ágústa Rósa Andrésdóttir.

 

Eftirtaldir sóttu um starfið:

Ágústa Rósa Andrésdóttir
Baldvin Bjarki Baldvinsson
Daisy Heimisdóttir
Ellert Baldur Magnússon
Eyrún Ída Guðjónsdóttir
Finnbogi Rafn Gudmundsson
Guðbjartur Máni Gíslason
Helena Rúnarsdóttir
Helgi Magnússon
Indriði Jósafatsson
Ingimar Elí Hlynsson
Magnús Gísli Sveinsson
Óli Þór Júlíusson
Pétur V. Georgsson
Ragnheiður Smáradóttir
Sturlaugur Sturlaugsson
Valdimar Leó Friðriksson

Eva Björg Ægis­dóttir frá Akranesi fékk í dag afhent spennu­sagna­verð­launin Svart­fuglinn fyrir bókina Marrið í stiganum.

Eliza Reid, forsetafrú, af­henti verðlaunin.

 

Yrsa Sigurðar­dóttir og Ragnar Jónas­son eru hug­mynda­fræðingarnir að baki verð­laununum sem ætluð eru höfundum sem ekki hafa áður sent frá sér glæpa­sögu. Þetta kemur fram í Fréttablaðinu í dag.

Eva er eins og áður segir frá Akranesi en foreldrar hennar eru Ægir Jóhannsson og Sigríður Björk Kristinsdóttir.


Í áliti dómnefndar um bókina segir meðal annars: „Sagan er grípandi og spennandi samhliða því að veita innsýn í myrkan og sáran veruleika. Fléttan er fagmannlega unnin, söguþráðurinn sterkur og sögulokin koma lesandanum á óvart.“

Verðlaunin nema 500.000 krónum auk hefðbundinna höfundarlauna. Sigurvegaranum býðst einnig samningur við umboðsmanninn David H. Headley en tímaritið Bookseller útnefndi hann sem einn af 100 áhrifamestu mönnum breskrar bókaútgáfu árið 2015.

Eva er með MSc gráðu í alþjóðamálum frá Tækniháskólanum í Þrándheimi og BA gráðu í félagsfræði frá Háskóla Íslands. Hún starfar hjá fyrirtækinu Maskína en hún hefur einnig starfað á þróunarsviði VÍS tryggingafélags, verið aðstoðamaður við viðskiptafræðideild Háskóla Íslands og sem starfsmaður á alþjóðasviði hjá utanríkisráðuneytinu í Noregi. Þá hefur hún starfað sem fyrsta flugfreyja hjá flugfélaginu Wow Air.

Skagafrettir.is hefur frá upphafi verið opinn fréttavefur og markmiðið er að halda áfram á þeirri vegferð.

Áhugi á efninu er til staðar. Mörg þúsund heimsóknir á hverjum degi á skagafrettir.is staðfestir að lesendur hafa áhuga á jákvæðum fréttum úr nærsamfélaginu.

Þú kæri lesandi getur tekið þátt í að efla fréttavefinn skagafrettir.is með þínu framlagi. Slíkur stuðningur er afar mikilvægur fyrir bæjarfréttamiðla.

Það er hart sótt að bæjar - og staðarfréttamiðlum á Íslandi - og slíkir miðlar eru í raunverulegri útrýmingarhættu.

Skagafréttir fóru í loftið í nóvember 2016 og frá þeim tíma hafa vel á fjórða þúsund fréttir verið skrifaðar á skagafrettir.is.

Skagafréttir ehf.
552-26-11875
440219-0550

Frjáls framlög frá lesendum eru styrkasta stoðin í rekstri Skagafrétta. Slíkur stuðningur er afar mikilvægur og hvatning til að halda áfram að miðla því öllu því jákvæða sem er í gangi á Akranesi og hjá Skagamönnum nær og fjær.

Frjáls framlög gefa jákvæða strauma og kraftmeiri fréttaflutning.

Skagafréttir ehf.
552-26-11875
440219-0550

Kærar þakkir fyrir allar heimsóknirnar á skagafrettir.is og stuðninginn.

Skagafréttir ehf.
552-26-11875
440219-0550

http://localhost:8888/skagafrettir/2021/03/18/baejarmidlarnir-eru-i-raunverulegri-utrymingarhaettu/

Ungir og efnilegir leikarar með sterka tengingu á Akranes leika stórt hlutverk í nýrri kvikmynd sem frumsýnd verður þann 23. mars 2018. Myndin heitir Víti í Vestmannaeyjum og er fjölskyldumynd með vísun í sannsögulega atburði. Viktor Benóný Benediktsson, 12 ára, og Theodór Ingi Óskarsson, 11 ára, fengu að upplifa það að leika í þessari mynd og skagafrettir.is fékk þá félaga til þess að segja aðeins frá þeirra upplifun. Stiklu úr myndinni má sjá hér neðst í fréttinni.

Myndin verður að sjálfsögðu sýnd í Bíóhöllinni á Akranesi, laugardaginn 24.  mars og sunnudaginn 25. mars.

Viktor og Theodór ætla sér að lesa meira en þeir hafa gert áður og leiklistinn hefur svo sannarlega fangað athygli þeirra.

Theodór og Viktor

Nafn: Viktor Benóný Benediktsson.

Aldur: 12 ára.
Skóli: Breiðagerðisskóli.
Bekkur: 7 bekkur.
Besti maturinn: Hamborgarahryggur og Sushi.
Besti drykkurinn: Vatn.
Besta lagið/tónlistin. Michael Jackson – Beat It.
Á hvað ertu að horfa þessa dagana? (sjónvarpsþættir)
Stranger things 2 og Friends.

 

Ættartréð:
Benedikt Steinar Benónýsson er pabbi minn og Íris Dögg H Marteinsdóttir er stjúpmamma mín, og systkini mín eru þau Tindur Marinó (5 ára) og Hafrún Embla (11 ára).
Auður Valdís Grétarsdóttir er mamma mín og stjúppabbi minn er Guðmundur Ingiberg Arnarsson, og systkini mín eru Elmar Benvý (4 ára) og Arnar Levý (6 ára). Og ekki má gleyma ömmu minni sem heitir Hulda Jónína Jónsdóttir

Theodór ásamt systkinum sínum.


Hvernig kom það til að þú fékkst hlutverk í myndinni?
„Ég mætti í nokkrar prufur fyrir myndina, mamma sá auglýsingu fyrir prufurnar á Facebook.“

Hefur þú leikið áður í kvikmynd?
„Já, en oftast bara í aukahlutverkum og í þáttum. T.d. Fyrir framan annað fólk og Loforði.“

Hefur þú áhuga á leiklist?
„Já mjög mikinn áhuga, ég ætlaði að verða lögga þegar ég yrði stór. En svo kynntist ég kvikmyndaheiminum og fann að þetta var ætlað mér.“

Ertu að æfa fótbolta og með hvaða liði þá?
„Nei, ég æfði fótbolta en er í pásu. Æfi í dag Handbolta með Víkingi og er markmaður.“


Framtíðardraumar þínir, hverjir eru þeir?
„Að það komi stjarna með nafninu mínu á Hollywood Boulevard.“

Hvað er það eftirminnilegasta sem gerðist við tökurnar á myndinni?
„Þegar var fyrsti tökudagurinn í Eyjum og það var brjálað veður.“

Hvert er vandræðalegasta atvikið sem gerðist við tökurnar á myndinni?
„Þegar ég fékk hiksta í miðri töku.“

Hvaða áhugamál hefur þú fyrir utan leiklist og fótbolta?
„Vinir mínir og snjóbretti.“

Lestu mikið, bækur og slíkt?
„Nei, en ég er að bæta mig í því.“

Hefur þú lesið aðrar bækur sem eru eftir höfundinn á Víti í Vestmannaeyjum?
„Já, Amma er Best (mæli með henni ;).“

Langar þig að taka þátt í fleiri slíkum kvikmyndaverkefnum?
„Auðvitað, ef þið viljið fá mig í verkefni hringið þá í mig.“

ÍA og Akranes, hvernig er tengingin þín?
„Ég fæddist á Akranesi og kom reglulega til pabba á Akranes. Ég var líka mikið í sveitinni hjá ömmu og afa. Ég var mjög ungur þegar ég átti heima á Akranesi en man mjög vel eftir því þegar eg fór á Langasand hjá Fríðu frænku og man líka þegar ég fór í Jaðarsbakkalaug með afa það var mjög skemmtilegt.“

Nafn: Theodór Ingi Óskarsson.

Aldur: 11 ára.
Skóli: Norðlingaskóli.
Bekkur: 6. bekkur.
Besti maturinn: Fajitas.
Besti drykkurinn: Vit-Hit og Sparkling ICE.
Besta lagið/tónlistin: Perfect með Ed Sheeran.
Á hvað ertu að horfa þessa dagana? (sjónvarpsþættir): Horfi lítið á sjónvarpsþætti en stundum á bíómyndir. Horfði síðast á Home Alone.

 

Ættartréð: Foreldrar mínir eru Óskar Örn Guðbrandsson og Áslaug Ósk Hinriksdóttir. Systkini mín eru Þuríður Arna (15 ára), Oddný Erla (13 ára), Hinrik Örn (9 ára) og Jóhanna Ósk (4 ára).


Hvernig kom það til að þú fékkst hlutverk í myndinni?
„Ég fór í prufur sem voru auglýstar og var svo valinn eftir þær.“

Hefur þú leikið áður í kvikmynd?
„Nei“.

Hefur þú áhuga á leiklist?
„Já og mig langar að leika meira.“

Ertu að æfa fótbolta og með hvaða liði þá?
„Já ég er að æfa með 5. flokki í Fylki.“

Framtíðardraumar þínir, hverjir eru þeir?
„Mig langar að vera fótboltamaður og leikari.“

Hvað er það eftirminnilegasta sem gerðist við tökurnar á myndinni?
„Þegar við vorum útá sjó og loftnet á bátnum rakst upp í kletta og datt af. Þá varð ég soldið hræddur.“

Hvert er vandræðalegasta atvikið sem gerðist við tökurnar á myndinni?
„Í sömu bátsferð átti ég að fara með langan texta en gleymdi honum alveg.“

Hvaða áhugamál hefur þú fyrir utan leiklist og fótbolta?
„Ég er líka að æfa badminton í TBR. Ég fylgist líka mjög vel með enska boltanum.“

Lestu mikið, bækur og slíkt?
„Nei ég er ekki mjög duglegur að lesa.“

Hefur þú lesið aðrar bækur sem eru eftir höfundinn á Víti í Vestmannaeyjum?
„Já ég hef lesið þær allar og þær eru mjög skemmtilegar. Hef líka lesið bækur eftir Þorgrím Þráinsson.“

Langar þig að taka þátt í fleiri slíkum kvikmyndaverkefnum?
„Já það væri gaman. Hef leikið smá eftir sumarið.“

ÍA og Akranes, hvernig er tengingin þín?
„Pabbi minn er frá Akranesi og amma og afi og systur pabba búa þar í dag ásamt fjölskyldum sínum.“

Myndin Víti í Vestmannaeyjum er byggð á fyrstu bókinni í vinsælum barnabókaflokki eftir Gunnar Helgason. Ár hvert er haldið stórt fótboltamót fyrir krakka í Vestmannaeyjum og þetta ár mætir hinn tíu ára Jón Jónsson til þess að keppa með Fálkum. En þegar hann kynnist Ívari, strák úr ÍBV sem á bágt heima fyrir, þarf Jón að vaxa hraðar úr grasi en hann óraði fyrir, bæði innan og utan vallar.

Bragi Þór Hinriksson leikstýrir en handrit skrifa Jóhann Ævar Grímsson, Gunnar Helgason og Ottó Geir Borg. Sagafilm framleiðir

Guli liturinn hefur verið einkennismerki ÍA í langan tíma en Íþróttabandalag Akraness var stofnað árið 1946.

En hvers vegna var guli liturinn fyrir valinu?, og kemur Dortmund í Þýskalandi við sögu í valinu á litnum?

Skagafréttir leituðu að sjálfsögðu í sagnabrunninn Jón Gunnlaugsson til þess að fá úr þessu skorið. Jón var leiftursnöggur að svara þegar hann var inntur eftir því hvort hann vissi eitthvað um valið á gula litnum.

„Söguna má rekja til ársins 1950 þegar Karl Guðmundsson, fyrirliði íslenska landsliðsins og leikmaður Fram, var í námi í íþróttafræðum í Köln í Þýskalandi,“ segir Jón en Karl hafði þjálfað lið ÍA árið 1948 samhliða því að hann lék með Fram.

„Þessi tenging Karls við ÍA varð til þess að Guðmundur Sveinbjörnsson þáverandi formaður ÍA hafði samband við Karl í Þýskalandi. Guðmundur óskaði eftir aðstoð við að útvega búninga fyrir ÍA. Áður en þessi búningur kom þá lék liðið í hvítum skyrtum og bláum buxum. Á þessum árum mættu leikmenn til leiks í hvítu spariskyrtunum sínum.“

 

Guðmundur hafði þá ósk að fá búninga sem skáru sig frá þeim litum sem voru notaðir af knattspyrnuliðunum í Reykjavík. Rauði liturinn var Valsbúningurinn, sá blái hjá Fram, og KR var með hvítar og svartar rendur á búningunum.

„Karl keypti búninga eins og óskað var eftir. Hann valdi gulan og svartan búning og þannig var liturinn ákveðinn,“ segir Jón.

Skagamenn klæddust þessum búningi fyrst vorið 1951 og þá var komið nýtt merki og urðu Íslandsmeistarar, fyrstir liða utan Reykjavíkur. Á sama tíma og nýji búningurinn kom var merki félagsins líka breytt í það sem enn er notað í dag.

Auglýsing

Auglýsing

„Það er hægt að nota ýsu eða þorsk í réttinn sem nýtur vinsælda á okkar heimili. Þetta er einfaldur réttur og sósan gerir fiskréttinn að sælkerarétti,“ segir Ástþór Vilmar Jóhannsson sem tók áskorun frá Sævari Frey Þráinssyni bæjarstjóra fagnandi. Bæjarstjóri Akraness reið á vaðið í nýjum fréttaflokki á skagafrettir.is. með uppskrift að áhugaverðum kjúklingarétti.

Markmiðið með þessum fréttaflokki er að safna saman bragðgóðum, einföldum og hollum uppskriftum. Með tíð og tíma verður til staðar sarpur af góðum hugmyndum um notkun á hráefnum þar sem að hollusta og bragðgæði eru höfð að leiðarljósi.

Fiskur hefur verið mikilvæg fæða á Íslandi frá upphafi byggðar og fáar þjóðir borða jafnmikinn fisk og við Íslendingar. Neysla Íslendinga á fiski hefur samt sem áður minnkað á undanförnum árum. Ástþór Vilmar Jóhannsson vill stuðla að breytingum á því sviði með þessari frábæru uppskrift af steiktum fiski með súrsætri sósu.

Fiskur er ákjósanleg fæða fyrir margra hluta sakir. Má þar nefna að í fiski er gæðaprótein, neysla á fiski getur dregið úr offitu, fiskur er næringarrík fæða og tvímælalaust ein sú hollasta matvara sem völ er á. Fisk ættum við ekki að borða sjaldnar en 3 sinnum í viku.

Ástþór Vilmar skorar á Ingu Dóru Jóhannsdóttur, systur sína, að taka við keflinu og koma með næstu uppskrift áður en langt um líður.

Pönnusteikt ýsa/þorskur með súrsætri sósu

Hráefni:

600 gr. Ýsa eða þorskur
Hveiti
1-2 egg
Salt
Pipar
Matarolía eða smjör til steikingar

Sósa:

½ l vatn
100gr.sykur
9 msk vínedik
1 msk tómatkraftur
3 msk sojasósa
Maizena-sósu jafnari
100gr sveppir
1 græn paprika
1 rauð paprika
100 gr Laukur
100 gr blaðlaukur
100 gr ananasbitar

  1. Skerið fiskinn í bita og setjið til hliðar
  2. Setjið vatn,sykur,edik,tómatkraft og soyasósu í pott. Hleypið upp suðu og þykkið með maizena-sósujafnara.
  3. Skerið sveppi,lauk,blaðlauk í sneiðar og papriku í strimla(ekki of fínt)
  4. Brúnið sveppi,lauk, blaðlauk,papriku,og ananasbita í matarolíu og bætið út í sósuna. Sósan þarf ekki að sjóða mikið.
  5. Hrærið eggin saman og kryddið hveitið með salti og pipar. Veltið fiskinum fyrst upp úr hveitinu og síðan egginu.
  6. Steikið fiskinn í olíu eða smjöri og rétturinn er tilbúinn.

Meðlæti:

Berið réttinn fram með hrísgrjónum eða kartöflum.
Þessi sósa er einnig sérlega ljúffeng með steiktu kjöti.

http://localhost:8888/skagafrettir/2020/09/04/kjuklinga-pad-krapow-er-vinsaell-rettur-a-heimili-saevars-freys/

Bæjarstjóri Akraness ríður á vaðið í nýjum fréttaflokki á skagafrettir.is. Markmiðið er að safna saman bragðgóðum, einföldum og hollum uppskriftum. Með tíð og tíma verður til staðar sarpur af góðum hugmyndum um notkun á hráefnum þar sem að hollusta og bragðgæði eru höfð að leiðarljósi.

„Þetta er mjög vinsæll réttur á heimilinu en ég fletti upp uppskrift að honum sumarið 2018 þegar fótboltastrákunum var bjargað úr hellinum í Taílandi. Í einni fréttinni kem fram að Pad Krapow með kjúklingi var það fyrsta sem þeir báðu um að borða og ákvað ég að elda þennan rétt þeim til heiðurs daginn sem þeim var bjargað. Þessi réttur með salati dugar auðveldlega fyrir fjóra,“ segir Sævar Freyr Þráinsson.

Sævar Freyr skorar á Ástþór Vilmar Jóhannsson að taka við keflinu og koma með næstu uppskrift en verkefnið er hluti af „Heilsueflandi Samfélagi“ á Akranesi.

Kjúklinga Pad krapow

Hráefni (mæli með að gera hráefni tilbúið fyrirfram því það tekur bara um 12-15 mín að elda):

3 til 4 msk olía

3 chilli fræ hreinsuð og skorin í sneiðar (ég skar smátt. (hef fræin af einu chilli með til að hafa hann bragð sterkari)

3 skallottulaukar, skornir í þunnar sneiðar (ég skar smátt)

5 hvítlauksrif skorin í þunnar sneiðar

600-700 gr kjúklingalæri beinhreinsuð án skinns (set í matvinnsluvél og tæti kjúkling niður í hakk) Ekki henda kjúklingafitu hún bráðnar og gefur bragð)

1 msk sykur (pálma/kókossykur ef til)

3 msk soyasósa

1 1/2 msk fiskisósa

1/2 bolli kjúklingasoð (ég hitaði vatn í örbylgju og leysti upp 1/2 tening)

1 búnt Thai basil lauf (má sleppa og hefur ekki mikil áhrif á réttinn eða nota ferskt venjulegt. Thai basil er til í asísku búðunum í Rvk).

Leiðbeiningar:

Sjóðið hrísgrjón á meðan. Hæfilegur skammtur fyrir fjóra ættu að vera 3 bollar af grjónum. Þarf töluvert með þessum rétt.

Setja stóra pönnu á hæsta hita, bætið við olíu, chilli, skallottulauk og hvítlauk, og steikið í 1-2 mínútur þar til búið að mýkjast og jafnvel farið að brúnast lítillega í endum. Bætið við kjúklinga ”hakkinu” og steikið í um 5 mín þar til farið að brúnast lítillega. Tryggið að kjúklingurinn loði ekki saman og reynið að brjóta niður stærri bita.

Bætið við sykur, soyasósu, og fiskisósu. Steikið í aðra mínútu og jafnvel lengur þar til soð hefur að mestu horfið. Bætið þá út í kjúklingasoði og eldið áfram þar til mest af soðinu er horfið og farið að hjúpa kjúklinginn. Þetta á ekki að taka langan tíma 5-7 mín því pannan er á hæsta hita. Bætið við basil laufum og steikið í stutta stund þar til þau hafa visnað og blandast réttinum.

Berið fram með ríflegu magni af hrísgrjónum í skál þar sem hver og einn bætir ofan á réttinum og soyasósu að smekk hvers og eins.

Pad krapow með hrísgrjónum án salats stendur vel undir væntingum. Ef eldað er fyrir fleiri þá er auðvelt að tvöfalda allt í réttinum en gera þarf ráð fyrir lengri tíma í að sjóða niður vökva.

Asískt salat

70 gr jöklasalat skorið smátt.
70 gr rauðkál skorið í þunnar ræmur.
1/2 appelsínugul papríka (eða rauð eða gul) skorin í þunnar sneiðar.
50 gr gulrætur rifnar eða sneiddar þunnt.
1 vorlaukur skorin í þunnar sneiðar.
1 msk steinselja skorin smátt.
80 gr edamame baunir (fást frosnar belg hreinsaðar í flestum búðum nú orðið).
1 /2 tsk ferskt engifer saxað smátt.
1 hvítlauksrif saxað smátt.
1/2 msk soya sósa.
1 msk hlynsíróp (eða hunang).
1 msk hrísgrjóna edik (eða sítrónusafi).
1 msk extra virgin olívu olía.
1/2 msk ristuð sesam olía.
1 msk sesam fræ (má sleppa).

Leiðbeiningar:

Allt skorna hráefnið sett í skál og blandað vel saman. Fljótandi hráefnum blandað saman og svo sett út í salatskálina og öllu velt saman.

Kær kveðja, Sævar Freyr Þráinsson.

Í dag hófst formleg söfnun í minningarsjóð Arnars Dórs Hlynssonar. „Hjá okkur hjá Sansa verður þannig háttur á að í þessari pöntunarviku, sem stendur fram til miðnættis 10. janúar munu 750 kr. af hverjum matarpakka fara í minningarsjóð Arnars Dórs.

„Arnar Dór Hlynsson var topp náungi en ótrúlega óheppinn með veikindi. Hann kvartaði samt aldrei. Minningarsjóður Arnars Dórs er stofnaður af Sansa, Team ´79 og ÍA. Sjóðurinn mun í framtíðinni styðja við bakið á góðum málum sem tengjast uppáhaldsíþróttum Arnars Dórs,“ segir Þórður Már Gylfason eigandi Sansa við skagafrettir.is.

ÍA mun hafa umsjón með minningarsjóðnum og verður úthlutað úr sjóðnum einu sinni á ári.

„Arnar Dór vinur minn lést þann 14. september 2017, langt fyrir aldur fram. Á þeim tíma var ég að setja fyrirtækið á laggirnar og það gafst enginn tími til þess að gera það sem mig langaði að gera til að heiðra minningu hans. Með hjálp margra þá er þessi minningarsjóðurinn nú til. Árgangur 79 sem Arnar Dór tilheyrði á stóran þátt í þessu ásamt ÍA og foreldrum Arnars Dórs.

Niðurstaðan er sú að minningarsjóður Arnars Dórs mun styrkja þau aðildarfélög ÍA sem hann tengdist. Það eru golf, fótbolti og kraftlyftingar. Arnar Dór var mikill stuðningsmaður knattspyrnunnar, hann var á golfvellinum flesta daga og lyfti lóðum af krafti þess á milli.“

Fyrirtækið Sansa sem Þórður Már setti á laggirnar á Akranesi í fyrra sérhæfir sig í því að útbúa matarpakka fyrir einstaklinga og fjölskyldur. Óhætt er að segja að viðtökurnar hafi farið fram úr björtustu vonum Þórðar.

„Síðasta vika var sú besta frá upphafi, metvika, og ég vona að þessi vika verði ekki síðri til þess að efla minningarsjóð Arnars Dórs. Og að sjálfsögðu er einn af réttum vikunnar uppáhaldsfiskisúpa Arnars Dórs,“ bætti Þórður Már við.

Fyrir þá sem vilja leggja inn á minningarsjóð Arnars Dórs þá er þetta númerið á styrktarreikningnum:

552-14-350047

kt. 670169-2199


Séra Jónína Ólafsdóttir og Þóra Björg Sigurðardóttir eru nýkjörnir prestar við Garða- og Saurbæjarprestakall í Vesturlandsprófastsdæmi sem biskup Íslands auglýsti til umsóknar í desember s.l.

Kjörið fór fram mánudagskvöldið 17. febrúar s.l. á Akranesi.

Framvegis munu því þrír prestar þjóna í Garða- og Saurbæjarprestakalli og munu þeir allir þjóna þeim sóknum er tilheyra prestakallinu sem eru Akranes, Saurbæjar, Leirár og Innra-Hólmssókn.

Sr. Jónína Ólafsdóttir var kjörin í almennt preststarf en Þóra Björg Sigurðardóttir í preststarf með áherslur á barna- og æskulýðsstarf.

Alls bárust sjö umóknir um störfin en 17 manna kjörnefnd úr héraði valdi þær Jónínu og Þóru Björg úr hópi 4 umsækjenda eftir forval matsnefndar um hæfi umsækjenda sem skipuð var af Biskupi Íslands.

Þess má geta að tveir af sjö umsækendum drógu umsóknir sínar til baka.

Sr. Jónína Ólafsdóttir

Sr. Jónína Ólafsdóttir er fædd 14. ágúst 1984. Hún lauk prófi í guðfræði frá Háskóla Íslands 2017 og BA próf í íslensku með félagsfræði sem aukagrein frá Háskóla Íslands árið 2008.

Á liðnu ári lauk Jónína diplómanámi á meistarastigi í sálgæslu frá Endurmenntunarstofnun HÍ sem og 90 einingum af 120 til MA prófs í guðfræði.

Jónína hefur gengt ýmsum störfum innan kirkjunna frá árinu 2007 en hefur starfað sem settur prestur í Dalvíkurprestakalli frá 1 okt. 2019. Eiginmaður hennar er Eggert Þröstur Þórarinsson og eiga þau tvo syni.

Þóra Björg Sigurðardóttir

Þóra Björg Sigurðardóttir er fædd 25. janúar 1989. Hún lauk prófi í guðfræði frá Háskóla Íslands árið 2019 og BS próf í sálfræði frá Háskóla Íslands 2016. Þóra Björg hefur starfað sem ritari og æskulýðsfullrúi við Grafarvogskirkju frá árinu 2011 en komið að kristilegum störfum frá árinu 2008 m.a. á vegum KFUM&K í sumarbúðunum í Vatnaskógi og Ölver. Þess má geta að Þóra Björg hefur enn sem komið er ekki hlotið vígslu sem prestur. Eiginmaður hennar er Geirlaugur Ingi Sigurbjörnsson. Eiga þau tvö lítil börn og eru búsett á Akranesi.

Eins og áður segir munu þrír prestar þjóna í Garða- og Saurbæjarprestakalli og munu þeir allir þjóna þeim sóknum er tilheyra prestakallinu sem eru Akranes, Saurbæjar, Leirár og Innra-Hólmssókn.

Fyrir er séra Þráinn Haraldsson en hann var kjörin sem sóknarprestur á liðnu ári. Þetta er í fyrsta skiptið sem konur eru kjörnar til prestembæta í Garða – og Saurbæjarprestakalli. Eru því um mikil tímamót að ræða.

Einnig er mjög áberandi hve verðandi prestateymi eru ung að aldri en þau eru öll vel undir fertugu. Það er engu líkarar en að kjörnefnd Garða- og Saurbæjarprestakalls séu að leggja áherslu að yngja verulega upp í sóknarstarfinu á komandi árum.

Auglýsing

Það er ekkert leyndarmál að Skagamaðurinn Ólafur Þórðarson segir það sem hann meinar – og hann liggur ekki á skoðunum sínum. 

Ummæli Ólafs á ýmsum málum hafa verið til umfjöllunar í fréttamiðlum á landsvísu og vakið mikla athygli.

Á Þorrablóti Skagamanna lék Ólafur stórt hlutverk í skemmtiatriði 1978 árgangsins – og má sjá það hér fyrir neðan.

Ólafur Þórðarson er einn þekktasti knattspyrnumaður Skagamanna fyrr og síðar. Landsliðsmaður til margra ára og lykilmaður í hinu sigursæla liði ÍA sem mokaði inn titlum seint á síðustu öld.

Ólafur snéri sér að þjálfun eftir að ferlinum lauk og undir hans stjórn varð karlalið ÍA m.a. Íslandsmeistari árið 2001.

ÍA hefur ekki náð að landa Íslandsmeistaratitli í mfl. karla frá árinu 2001.

Auglýsing

Auglýsing

Auglýsing

Auglýsing

Auglýsing

Auglýsing