Myndasyrpa: Steinar og Stefán Teitur á skotskónum í 3-1 sigri ÍA

Skagamenn voru með mikla yfirburði í leik ÍA og Hauka sem fram fór á Norðurálsvellinum í Inkasso deild karla í knattspyrnu í kvöld Skagamenn sitja á toppi deildarinnar eftir 3:1 sigur með 9 stig eftir viðureign liðanna og hafa unnið alla þrjá leikina.

Liðið er til alls líklegt í sumar. Mikill kraftur og ákefð einkennir leik liðsins – og samkeppnin um stöður í byrjunarliðinu hefur sjaldan verið meiri. Steinar Þorsteinsson skoraði fyrsta mark ÍA og var það jafnframt þriðja mark hans í þremur fyrstu leikjunum. Stefán Teitur Þórðarson bætti við tveimur mörkum fyrir ÍA og eru það fyrstu mörk hans í Inkasso-deildinni á þessari leiktíð.