[sam_zone id=1]

Smelltu hér ef þú vilt styrkja Skagafréttir

Skipulags – og umhverfisráð Akraneskaupstaðar leggur til að Árnahús á Sólmundarhöfða verði flutt á nýjan stað – en húsið er staðsett á fyrirhuguðum byggingarreit vegna stækkunar á hjúkrunarheimilinu Höfða. Áætlað er að stækka Höfða töluvert og bæta þar við 60 rýmum á byggingarreit sem er sunnan megin við Höfða.  

Áætlaður flutningur á Árnhúsi verður gerður í samvinnu við minjastofnun – og ef þau áform ganga ekki upp er lagt til að húsið verði rifið ásamt skemmunni sem er staðsett við hliðina á Árnahúsi. Þetta kemur fram í fundargerð ráðsins. 

Þar kemur eftirfarandi fram:

„Fyrir liggur vilji til að stækka hjúkrunarheimilið Höfða um 60 rými til suðurs. Árnahús og skemma standa innan fyrirhugaðs byggingarreits stækkunarinnar. Áður en unnið verður áfram að útfærslu deiliskipulags þarf skipulags- og umhverfisráð að taka afstöðu til framtíðar húsanna, þ.e. hvort stefnt skuli að flutningi þeirra og varðveislu á öðrum stað eða hvort óska eigi heimildar til niðurrifs á húsunum. Við matið þarf meðal annars að taka tillit til varðveislugildis húsanna og ástands Árnahúss. Vegna fyrirhugaðar uppbyggingar hjúkrunarheimilis á Sólmundarhöfða á svæði sem Árnahús er í dag er nauðsynlegt að mannvirkið víki. Skipulags- og umhverfisráð samþykkir að stefnt verði að flutningi Árnahúss á nýjan stað í samráði við Minjastofnun. Ef þau áform ganga ekki eftir verði skoðað með niðurrif á því ásamt skemmunni sem er við hlið þess.“

 

Í janúar 2023 lýsti bæjarráð yfir vilja til þess að Árnahús yrði endurgert – sjá nánar í þessari frétt Skagafrétta. 

Í apríl 2025 tók Bæjarráð Akraness fyrir erindi um málefni Árnahúss. Gísli Gíslason, Rudolf B. Jósefsson, Sigursteinn Sigurðsson, Helena Guttormsdóttir, Karl Jóhann Haagesen og Sæmundur Benediktsson sendu inn erindið. Sjá nánar í þessari frétt á vef Skagafrétta. 

„Endurgera þarf Árnahús eða þau rifinn“

Hér má lesa pistil sem Gísli Gíslason skrifaði um Árnahús á vef Skagafrétta í apríl 2019.

Árnahús var samkvæmt gögnum byggt árið 1901 og því að lögum friðað, en hlaðan og stækkun gamla hússins gerð á árunum 1951 og 1952. Laust fyrir 1900 voru a.m.k. sex býli á Sólmundarhöfða auk leiguliða en á 20. öld fækkaði húsum og ábúendum jafnt og þétt og stendur nú Árnahús eitt eftir af fyrri byggð.

Þar bjó síðast Sigursteinn Árnason, sem fæddist á Sólmundarhöfða árið 1915, en hann bjó þar alla tíð en andaðist á dvalarheimilinu Höfða árið 2011 þá 95 ára gamall.

Smelltu hér ef þú vilt styrkja Skagafréttir

Tónlistarskólinn á Akranesi fékk nýverið veglegan styrk til hljóðfærakaupa úr Minningarsjóði Geirlaugs K. Árnasonar, en Geirlaugur var einn helsti hvatamaðurinn að stofnun skólans fyrir rúmum 70 árum. Þetta kemur fram á vef Akraneskaupstaðar. 

Jónína Erna Arnardóttir skólastjóri tónlistarskólans tók við styrknum sem er rúmlega 1,7 milljónir kr.  Bræðurnir Kári – og Geirlaugur Geirlaugssynir afhentu styrkinn. 

Nánar á vef Akraneskaupstaðar. 

Smelltu hér ef þú vilt styrkja Skagafréttir

Samtök áhugafólks um skólaþróun hafa birt tilnefningar til  Íslensku menntaverðlaunanna 2026 og er Grundaskóli tilnefndur. 

Viðurkenningarráð Íslensku menntaverðlaunanna stendur að kjörinu og er þetta í sjöunda skipti sem verðlaunin eru veitt eftir að þau voru endurreist 2020.

Þar kemur eftirfarandi fram: 

„Grundaskóli á Akranesi er tilnefndur í flokki framúrskarandi menntastofnana fyrir fjölbreytt og gróskumikið og margháttað þróunarstarf sem hefur m.a. beinst að því að koma sem best til móts við ólíkar þarfir nemenda.“

Þetta kemur fram í þessari tilkynningu – nánar hér:  

Smelltu hér ef þú vilt styrkja Skagafréttir

Íþróttabandalag Akraness (ÍA) og Ungmennasamband Borgarfjarðar (UMSB) hafa á undanförnum misserum unnið að því verkefni að endurvekja sunddeild Skallagríms í Borgarnesi.

Þjálfarar á vegum Sundfélags Akraness settu af stað æfingar í samráði við UMSB – og hefur verkefnið gengið það vel að það fékk Hvatningarverðlaun UMFÍ.

Þetta kemur fram í tilkynningu frá UMFÍ – sjá hér fyrir neðan. 

Fjögur verkefni fengu Hvatningarverðlaun á Sambandsráðsfundi UMFÍ sem fram fór á Ísafirði nýverið.

Guðrún Hildur Þórðardóttir, sambandsstjóri UMSB, og Gyða Björg Bergþórsdóttir, formaður ÍA, tóku saman við verðlaunum.

Nánar á vef UMFÍ:

Smelltu hér ef þú vilt styrkja Skagafréttir

Keppnistímabilið hjá 3. flokki karla ÍA í knattspyrnu fer í sögubækurnar – en liðið varð bæði Íslands – og bikarmeistari, auk þess að sigra á alþjóðlega mótinu REY-CUP.

Úrslitaleikur bikarkeppninnar fór fram í Akraneshöllinni þar sem að Skagamenn lögðu lið Breiðabliks 3-2 að viðstöddum um 300 áhorfendum.

Á leið sinni í úrslitaleikinn sigruðu Skagamenn lið Fylkis 4-0 í 16-liða úrslitum.

Í 8-liða úrslitum komu KA-menn í heimsókn á Skagann og þar sigraði ÍA 3-2.

Í undanúrslitum lagði ÍA lið Vals 3-2 og Blikar voru mótherjar ÍA í úrslitaleiknum eins og áður hefur komið fram.

Þjálfarar liðsins eru Elínbergur Sveinsson, Sigurður Jónsson og Hafþór Pétursson.

Smelltu hér ef þú vilt styrkja Skagafréttir

Styrmir Gíslason fékk Donnabikarinn á lokahófi yngri flokka Knattspyrnufélags ÍA sem fram fór nýverið.

Styrmir er fæddur árið 2010 og var hann í lykilhlutverki hjá 3. flokki ÍA sem vann þrjá stóra titla á tímabilinu. Nánar í tilkynningu frá ÍA hér fyrir neðan:


Donnabikarinn er afhentur efnilegasta leikmanni yngri flokka karla. Donnabikarinn var gefinn árið 1983 af fjölskyldu Donna, sem hét fullu nafni Halldór Sigurbjörnsson, en hann var burðarás í fyrsta Gullaldarliði Skagamanna. Hann lék 110 leiki með Skagamönnum og skoraði 40 mörk, en einnig lék hann 8 landsleiki fyrir Ísland.

Smelltu hér ef þú vilt styrkja Skagafréttir

Nadía Steinunn Elíasdóttir fékk Stínubikarinn á lokahófi yngri flokka Knattspyrnufélags ÍA sem fram fór nýverið.

Nadía Steinunn er fædd árið 2010 og hefur hún leikið með yngri landsliðum Íslands og 45 leiki með meistaraflokk ÍA.

Tilkynning ÍA í heild sinni er hér fyrir neðan:

Stínubikarinn er nefndur í höfuðið á Kristínu Aðalsteinsdóttur, Stínu, sem er fyrsta landsliðskona ÍA – og fær efnilegasti leikmaður ÍA hvers árs í kvennaflokki þessa viðurkenningu.

Kristín Aðalsteinsdóttir var burðarás í liði ÍA í kringum 1980 og lék sinn fyrsta landsleik árið 1981 og alls 3 landsleiki á árunum 1981-1982. Stínubikarinn á að vera hvatning til ungra stelpna að stefna hátt og vinna sér sæti í meistaraflokki ÍA og landsliðinu eins og Stína gerði á sínum tíma. Gefandi bikarsins er Þorgeir og Ellert hf.

Smelltu hér ef þú vilt styrkja Skagafréttir

Það var góð stemning og fjölmenni á fyrsta leik tímabilsins hjá ÍA í næst efstu deild Íslandsmótsins í körfubolta karla sem fram fór í kvöld.  

ÍA féll úr Bónus – deildinni á síðustu leiktíð, efstu deild, en liðið er til alls líklegt miðað við 106:77 sigur gegn liði Selfoss í Avair höllinni við Jaðarsbakka. 

Lið ÍA er mikið breytt frá því á síðustu leiktíð – og margir áhugaverðir leikmenn sýndu góða takta. 

Hjalti Vilhjálmsson er nýr þjálfari hjá ÍA en hann er þaulreyndur reynslubolti og verður gaman að fylgjast með þróun liðsins á næstu vikum. Ungir leikmenn fengu tækifæri í þessum leik, þeir fengu að gera mistök, og upplifa raunveruleikann á þessu getustigi án filters. 

Skagamenn voru mun betri en gestirnir í þessum leik. 

Miðherjinn Gojko Sudzum var stigahæstur með 21 stig og 12 fráköst en hann lék aðeins í 22 mínútur af alls 40. Sudzum er án efa einn sá allra besti sem hefur leikið hér á landi – og flest lið í efstu deild væru til að vera með Sudzum í sínum röðum.

Igor Maric, aðstoðarþjálfari ÍA, sýndi í kvöld að hann verður einnig í lykilhlutverki sem leikmaður. Maric, sem er í toppformi á fimmtugsaldri, skoraði 15 stig, tók 9 fráköst og gaf 5 stoðsendingar. Maric er frábær viðbót við leikmannahóp ÍA og gefur virkilega mikið af sér. 

Leikstjórnandinn Sölvi Ólason, sem kemur úr liði Breiðabliks, átti frábæran leik í frumraun sinni. Sölvi skoraði 16 stig, gaf 10 stoðsendingar, og tók 8 fráköst á aðeins 25 mínútum. Virkilega vel gert. Kvikur, kraftmikill og áræðinn, með gott auga fyrir því sem er að gerast á vellinum. 

Framherjinn Þórarinn Gunnar Óskarsson var einnig að leika sinn fyrsta leik fyrir ÍA í deildarkeppni. Hann kemur úr röðum Vals en lék með liði Fylkis á síðustu leiktíð. Þórarinn er mikill íþróttamaður og mætir til leiks í sínu allra besta líkamlega ástandi. Hann skoraði 15 stig og tók 4 fráköst. Skotnýting hans var með eindæmum góð – eða 87%. Kraftmikill leikmaður sem gaman verður að fylgjast með í vetur. 

Unglingalandsliðsmaðurinn Pétur Steinn Gunnarsson, sem er í 10. bekk Grundaskóla, lék sinn fyrsta leik í næst efstu deild með ÍA. Hinn 15 ára ungi, Pétur Steinn, var áræðinn og kröftugur í hlutverki leikstjórnanda ÍA – og áhorfendur kunnu vel að meta framlag hans. 

Fyrirliðinn Aron Elvar Dagsson átti fínan leik – með 7 stig og bróðir hans Marinó Ísak skoraði 4 stig. 

Bandaríkjamaðurinn Marcus Tsohonis í liði ÍA á mikið inni – en hann hefur glímt við meiðsli frá því hann kom á Akranes. Tsohonis er því óskrifað blað en hann er þaulreyndur atvinnumaður – og stuðningsmenn ÍA búast við miklu frá Tsohonis sem skoraði 9 stig, tók 5 fráköst og gaf 3 stoðsendingar. Sá sem þetta skrifar leggur til að stuðningsmenn ÍA andi inn og út – og gefi Tsohonis tíma til að ná fyrri styrk. 

Eins og áður segir er framundan áhugavert tímabil hjá liði ÍA – og næsti leikur liðsins er grannaslagur gegn liði Skallagríms á útivelli föstudaginn 9. október í Borgarnesi. 

Tölfræði leiksins er hér:

Myndasyrpa frá leiknum er hér: 

Miðherjinn Gojko Sudzum var stigahæstur með 21 stig og 12 fráköst en hann lék aðeins í 22 mínútur af alls 40. Sudzum er án efa einn sá allra besti sem hefur leikið hér á landi – og flest lið í efstu deild væru til að vera með Sudzum í sínum röðum.

Igor Maric, aðstoðarþjálfari ÍA, sýndi í kvöld að hann verður einnig í lykilhlutverki sem leikmaður. Maric, sem er í toppformi á fimmtugsaldri, skoraði 15 stig, tók 9 fráköst og gaf 5 stoðsendingar. Maric er frábær viðbót við leikmannahóp ÍA og gefur virkilega mikið af sér. 

Leikstjórnandinn Sölvi Ólason, sem kemur úr liði Breiðabliks, átti frábæran leik í frumraun sinni. Sölvi skoraði 16 stig, gaf 10 stoðsendingar, og tók 8 fráköst á aðeins 25 mínútum. Virkilega vel gert. Kvikur, kraftmikill og áræðinn, með gott auga fyrir því sem er að gerast á vellinum. 

Framherjinn Þórarinn Gunnar Óskarsson var einnig að leika sinn fyrsta leik fyrir ÍA í deildarkeppni. Hann kemur úr röðum Vals en lék með liði Fylkis á síðustu leiktíð. Þórarinn er mikill íþróttamaður og mætir til leiks í sínu allra besta líkamlega ástandi. Hann skoraði 15 stig og tók 4 fráköst. Skotnýting hans var með eindæmum góð – eða 87%. Kraftmikill leikmaður sem gaman verður að fylgjast með í vetur. 

Unglingalandsliðsmaðurinn Pétur Steinn Gunnarsson, sem er í 10. bekk Grundaskóla, lék sinn fyrsta leik í næst efstu deild með ÍA. Hinn 15 ára ungi, Pétur Steinn, var áræðinn og kröftugur í hlutverki leikstjórnanda ÍA – og áhorfendur kunnu vel að meta framlag hans. 

Fyrirliðinn Aron Elvar Dagsson átti fínan leik – með 7 stig og bróðir hans Marinó Ísak skoraði 4 stig. 

Bandaríkjamaðurinn Marcus Tsohonis í liði ÍA á mikið inni – en hann hefur glímt við meiðsli frá því hann kom á Akranes. Tsohonis er því óskrifað blað en hann er þaulreyndur atvinnumaður – og stuðningsmenn ÍA búast við miklu frá Tsohonis sem skoraði 9 stig, tók 5 fráköst og gaf 3 stoðsendingar. Sá sem þetta skrifar leggur til að stuðningsmenn ÍA andi inn og út – og gefi Tsohonis tíma til að ná fyrri styrk. 

Eins og áður segir er framundan áhugavert tímabil hjá liði ÍA – og næsti leikur liðsins er grannaslagur gegn liði Skallagríms á útivelli föstudaginn 9. október í Borgarnesi. 

Tölfræði leiksins er hér:

Myndasyrpa frá leiknum er hér: 

Smelltu hér ef þú vilt styrkja Skagafréttir

Knattspyrnuliðið Kári frá Akranesi náði sínum besta árangri frá upphafi þar sem að liðið var hársbreidd frá því að komast upp í næst efstu deild. 

Kári endaði í 3. sæti með 42 stig en Haukar og Selfoss komust upp í Lengjudeildina á næsta tímabili. 

Það eru 16 ár frá því að félagið Kári var sett á laggirnar í núverandi mynd en félagið hefur ávallt verið nánu samstarfi við Knattspyrnufélag ÍA. 

Úlfur Arnar Jökulsson tók við liðinu sem þjálfari s.l. vetur og Albert Hafsteinsson var aðstoðarþjálfari ásamt því að leika með liðinu. Úlfur Arnar var valinn sem þjálfari ársins hjá Harkinu sem fjallaði ítarlega um 2. deild karla á leiktíðinni. 

Þrír leikmenn úr röðum Kára voru valdir í lið ársins hjá sama þætti. Logi Mar Hjaltested markvörður, Árni Salvar Heimisson og Stefan Bustillo. Matthías Daði Gunnarsson er á varamannabekknum í þessu úrvalsliði og Káramaðurinn Stefán Logi Sigurjónsson var valinn efnilegasti leikmaður deildarinnar. 

Smelltu hér ef þú vilt styrkja Skagafréttir

Það verður mikið um að vera í gamla Landsbankahúsin við Akratorg um næstu helgi en þá hefjast fyrstu framkvæmdir hjá nýjum eigendum þessa sögufræga mannvirkis við Suðurgötu 57.

Hraun 900 fasteignafélag keypti húsið í byrjun þessa árs, og ætlar félagið að hefja verkefnið af krafti laugardaginn 3. október. Þá mun hópur fólks koma saman ásamt iðnaðarmönnum til að rífa innan úr húsinu og fjarlægja það sem þarf að víkja fyrir nýju hlutverki þess. Til lengri tíma er áformað að byggja húsið upp fyrir hótel, veitingastað og aðra starfsemi sem getur lífgað upp á miðbæ Akraness.

„Okkur langar að þetta verði verkefni sem Akurnesingar geti fylgst með frá upphafi,“ segir Ívar Freyr Sturluson. Höskuldur Gunnlaugsson, Guðjón Pétur Lýðsson og Ívar Freyr eru eigendur félagsins sem keypti húsið í janúar á þessu ári.

„Landsbankahúsið hefur lengi verið áberandi hluti af bæjarmyndinni og við viljum gefa því nýtt líf í góðu sambandi við samfélagið hér,“ bætir Ívar Freyr við.

Stefnt er að því að ljúka fyrsta áfanganum með niðurrifi innanhúss á tveimur dögum og síðan taka við endurbætur á ytri skel hússins.

„Opið hús“ og hægt taka þátt eða fylgjast með

Eins og áður segir vilja nýir eigendur vera í góðu samstarfi við bæjarfélagið á meðan framkvæmdum stendur.

„Hraun 900 vill bjóða íbúum sem hafa áhuga á húsinu að koma við, sjá það og heyra meira um áformin. Þeir sem vilja leggja hönd á plóg við niðurrifið eru einnig velkomnir en þá þarf að hafa samband fyrirfram. Verkefnum verður úthlutað á staðnum eftir aðstæðum og gætt verður að öryggi allra sem taka þátt. Niðurrif og flutningur efnis verða í gangi um helgina. Gestir verða því leiddir um þau svæði sem óhætt er að skoða; vinnusvæði verða afmörkuð. Markmiðið er að hafa góðan dag saman, með kaffi og bakkelsi yfir daginn og pizzum fyrir vinnufólkið. Þetta er upphafið að löngu verkefni. Við ætlum að segja reglulega frá því hvað er að gerast, hvað hefur gengið vel og hver næstu skref eru. Það væri sérstaklega gaman að hitta fólk sem man eftir húsinu frá fyrri tíð og heyra sögurnar sem tengjast því,“ segir Ívar.

Eins og áður hefur komið fram er Höskuldur Gunnlaugsson fyrirliði knattspyrnuliðs Breiðabliks og Guðjón Pétur Lýðsson á langan feril að baki sem leikmaður í efstu deild í knattspyrnu – og hann hefur einnig komið að uppbyggingu á hóteli í Vestmannaeyjum.

Ívar Freyr á einnig feril í fótboltanum en hann hefur komið að markaðsmálum hjá ýmsum fyrirtækjum á undanförnum árum

Ágústa Rósa Andrésdóttir er nýr forstöðumaður íþróttamannvirkja á Akranesi.

Ágústa Rósa er frá Akranesi og hefur m.a. verið formaður karatefélags Akraness, setið í stjórn badmintfélags Akraness og í framkvæmdastjórn Íþróttabandalags Akraness. Ágústa hefur starfað sem æskulýðsfulltrúi í Hvalfjarðarsveit, og nú síðast sem  Forstöðumaður Frístundasels Lágafellsskóla í Mosfellsbæ.

Bæjarstjórn Akraness samþykkti ráðningu Ágústu á síðasta bæjarstjórnarfundi. Alls sóttu 17 manns um starfið. Hörður Kári Jóhannesson hefur verið forstöðumaður íþróttamannvirkja á Akranes og var honum þökkuð góð störf á bæjarstjórnarfundinu.

Ágústa er fædd árið 1971 og hún er gift Herði Svavarssyni rafvirkja og þau eiga þrjú börn, Andrés Má,  Aðalheiði Rósu og
Ólaf Elías.

Ágústa Rósa Andrésdóttir.

 

Eftirtaldir sóttu um starfið:

Ágústa Rósa Andrésdóttir
Baldvin Bjarki Baldvinsson
Daisy Heimisdóttir
Ellert Baldur Magnússon
Eyrún Ída Guðjónsdóttir
Finnbogi Rafn Gudmundsson
Guðbjartur Máni Gíslason
Helena Rúnarsdóttir
Helgi Magnússon
Indriði Jósafatsson
Ingimar Elí Hlynsson
Magnús Gísli Sveinsson
Óli Þór Júlíusson
Pétur V. Georgsson
Ragnheiður Smáradóttir
Sturlaugur Sturlaugsson
Valdimar Leó Friðriksson

Eva Björg Ægis­dóttir frá Akranesi fékk í dag afhent spennu­sagna­verð­launin Svart­fuglinn fyrir bókina Marrið í stiganum.

Eliza Reid, forsetafrú, af­henti verðlaunin.

 

Yrsa Sigurðar­dóttir og Ragnar Jónas­son eru hug­mynda­fræðingarnir að baki verð­laununum sem ætluð eru höfundum sem ekki hafa áður sent frá sér glæpa­sögu. Þetta kemur fram í Fréttablaðinu í dag.

Eva er eins og áður segir frá Akranesi en foreldrar hennar eru Ægir Jóhannsson og Sigríður Björk Kristinsdóttir.


Í áliti dómnefndar um bókina segir meðal annars: „Sagan er grípandi og spennandi samhliða því að veita innsýn í myrkan og sáran veruleika. Fléttan er fagmannlega unnin, söguþráðurinn sterkur og sögulokin koma lesandanum á óvart.“

Verðlaunin nema 500.000 krónum auk hefðbundinna höfundarlauna. Sigurvegaranum býðst einnig samningur við umboðsmanninn David H. Headley en tímaritið Bookseller útnefndi hann sem einn af 100 áhrifamestu mönnum breskrar bókaútgáfu árið 2015.

Eva er með MSc gráðu í alþjóðamálum frá Tækniháskólanum í Þrándheimi og BA gráðu í félagsfræði frá Háskóla Íslands. Hún starfar hjá fyrirtækinu Maskína en hún hefur einnig starfað á þróunarsviði VÍS tryggingafélags, verið aðstoðamaður við viðskiptafræðideild Háskóla Íslands og sem starfsmaður á alþjóðasviði hjá utanríkisráðuneytinu í Noregi. Þá hefur hún starfað sem fyrsta flugfreyja hjá flugfélaginu Wow Air.

Ungir og efnilegir leikarar með sterka tengingu á Akranes leika stórt hlutverk í nýrri kvikmynd sem frumsýnd verður þann 23. mars 2018. Myndin heitir Víti í Vestmannaeyjum og er fjölskyldumynd með vísun í sannsögulega atburði. Viktor Benóný Benediktsson, 12 ára, og Theodór Ingi Óskarsson, 11 ára, fengu að upplifa það að leika í þessari mynd og skagafrettir.is fékk þá félaga til þess að segja aðeins frá þeirra upplifun. Stiklu úr myndinni má sjá hér neðst í fréttinni.

Myndin verður að sjálfsögðu sýnd í Bíóhöllinni á Akranesi, laugardaginn 24.  mars og sunnudaginn 25. mars.

Viktor og Theodór ætla sér að lesa meira en þeir hafa gert áður og leiklistinn hefur svo sannarlega fangað athygli þeirra.

Theodór og Viktor

Nafn: Viktor Benóný Benediktsson.

Aldur: 12 ára.
Skóli: Breiðagerðisskóli.
Bekkur: 7 bekkur.
Besti maturinn: Hamborgarahryggur og Sushi.
Besti drykkurinn: Vatn.
Besta lagið/tónlistin. Michael Jackson – Beat It.
Á hvað ertu að horfa þessa dagana? (sjónvarpsþættir)
Stranger things 2 og Friends.

 

Ættartréð:
Benedikt Steinar Benónýsson er pabbi minn og Íris Dögg H Marteinsdóttir er stjúpmamma mín, og systkini mín eru þau Tindur Marinó (5 ára) og Hafrún Embla (11 ára).
Auður Valdís Grétarsdóttir er mamma mín og stjúppabbi minn er Guðmundur Ingiberg Arnarsson, og systkini mín eru Elmar Benvý (4 ára) og Arnar Levý (6 ára). Og ekki má gleyma ömmu minni sem heitir Hulda Jónína Jónsdóttir

Theodór ásamt systkinum sínum.


Hvernig kom það til að þú fékkst hlutverk í myndinni?
„Ég mætti í nokkrar prufur fyrir myndina, mamma sá auglýsingu fyrir prufurnar á Facebook.“

Hefur þú leikið áður í kvikmynd?
„Já, en oftast bara í aukahlutverkum og í þáttum. T.d. Fyrir framan annað fólk og Loforði.“

Hefur þú áhuga á leiklist?
„Já mjög mikinn áhuga, ég ætlaði að verða lögga þegar ég yrði stór. En svo kynntist ég kvikmyndaheiminum og fann að þetta var ætlað mér.“

Ertu að æfa fótbolta og með hvaða liði þá?
„Nei, ég æfði fótbolta en er í pásu. Æfi í dag Handbolta með Víkingi og er markmaður.“


Framtíðardraumar þínir, hverjir eru þeir?
„Að það komi stjarna með nafninu mínu á Hollywood Boulevard.“

Hvað er það eftirminnilegasta sem gerðist við tökurnar á myndinni?
„Þegar var fyrsti tökudagurinn í Eyjum og það var brjálað veður.“

Hvert er vandræðalegasta atvikið sem gerðist við tökurnar á myndinni?
„Þegar ég fékk hiksta í miðri töku.“

Hvaða áhugamál hefur þú fyrir utan leiklist og fótbolta?
„Vinir mínir og snjóbretti.“

Lestu mikið, bækur og slíkt?
„Nei, en ég er að bæta mig í því.“

Hefur þú lesið aðrar bækur sem eru eftir höfundinn á Víti í Vestmannaeyjum?
„Já, Amma er Best (mæli með henni ;).“

Langar þig að taka þátt í fleiri slíkum kvikmyndaverkefnum?
„Auðvitað, ef þið viljið fá mig í verkefni hringið þá í mig.“

ÍA og Akranes, hvernig er tengingin þín?
„Ég fæddist á Akranesi og kom reglulega til pabba á Akranes. Ég var líka mikið í sveitinni hjá ömmu og afa. Ég var mjög ungur þegar ég átti heima á Akranesi en man mjög vel eftir því þegar eg fór á Langasand hjá Fríðu frænku og man líka þegar ég fór í Jaðarsbakkalaug með afa það var mjög skemmtilegt.“

Nafn: Theodór Ingi Óskarsson.

Aldur: 11 ára.
Skóli: Norðlingaskóli.
Bekkur: 6. bekkur.
Besti maturinn: Fajitas.
Besti drykkurinn: Vit-Hit og Sparkling ICE.
Besta lagið/tónlistin: Perfect með Ed Sheeran.
Á hvað ertu að horfa þessa dagana? (sjónvarpsþættir): Horfi lítið á sjónvarpsþætti en stundum á bíómyndir. Horfði síðast á Home Alone.

 

Ættartréð: Foreldrar mínir eru Óskar Örn Guðbrandsson og Áslaug Ósk Hinriksdóttir. Systkini mín eru Þuríður Arna (15 ára), Oddný Erla (13 ára), Hinrik Örn (9 ára) og Jóhanna Ósk (4 ára).


Hvernig kom það til að þú fékkst hlutverk í myndinni?
„Ég fór í prufur sem voru auglýstar og var svo valinn eftir þær.“

Hefur þú leikið áður í kvikmynd?
„Nei“.

Hefur þú áhuga á leiklist?
„Já og mig langar að leika meira.“

Ertu að æfa fótbolta og með hvaða liði þá?
„Já ég er að æfa með 5. flokki í Fylki.“

Framtíðardraumar þínir, hverjir eru þeir?
„Mig langar að vera fótboltamaður og leikari.“

Hvað er það eftirminnilegasta sem gerðist við tökurnar á myndinni?
„Þegar við vorum útá sjó og loftnet á bátnum rakst upp í kletta og datt af. Þá varð ég soldið hræddur.“

Hvert er vandræðalegasta atvikið sem gerðist við tökurnar á myndinni?
„Í sömu bátsferð átti ég að fara með langan texta en gleymdi honum alveg.“

Hvaða áhugamál hefur þú fyrir utan leiklist og fótbolta?
„Ég er líka að æfa badminton í TBR. Ég fylgist líka mjög vel með enska boltanum.“

Lestu mikið, bækur og slíkt?
„Nei ég er ekki mjög duglegur að lesa.“

Hefur þú lesið aðrar bækur sem eru eftir höfundinn á Víti í Vestmannaeyjum?
„Já ég hef lesið þær allar og þær eru mjög skemmtilegar. Hef líka lesið bækur eftir Þorgrím Þráinsson.“

Langar þig að taka þátt í fleiri slíkum kvikmyndaverkefnum?
„Já það væri gaman. Hef leikið smá eftir sumarið.“

ÍA og Akranes, hvernig er tengingin þín?
„Pabbi minn er frá Akranesi og amma og afi og systur pabba búa þar í dag ásamt fjölskyldum sínum.“

Myndin Víti í Vestmannaeyjum er byggð á fyrstu bókinni í vinsælum barnabókaflokki eftir Gunnar Helgason. Ár hvert er haldið stórt fótboltamót fyrir krakka í Vestmannaeyjum og þetta ár mætir hinn tíu ára Jón Jónsson til þess að keppa með Fálkum. En þegar hann kynnist Ívari, strák úr ÍBV sem á bágt heima fyrir, þarf Jón að vaxa hraðar úr grasi en hann óraði fyrir, bæði innan og utan vallar.

Bragi Þór Hinriksson leikstýrir en handrit skrifa Jóhann Ævar Grímsson, Gunnar Helgason og Ottó Geir Borg. Sagafilm framleiðir

Skagafrettir.is hefur frá upphafi verið opinn fréttavefur og markmiðið er að halda áfram á þeirri vegferð.

Áhugi á efninu er til staðar. Mörg þúsund heimsóknir á hverjum degi á skagafrettir.is staðfestir að lesendur hafa áhuga á jákvæðum fréttum úr nærsamfélaginu.

Þú kæri lesandi getur tekið þátt í að efla fréttavefinn skagafrettir.is með þínu framlagi. Slíkur stuðningur er afar mikilvægur fyrir bæjarfréttamiðla.

Það er hart sótt að bæjar - og staðarfréttamiðlum á Íslandi - og slíkir miðlar eru í raunverulegri útrýmingarhættu.

Skagafréttir fóru í loftið í nóvember 2016 og frá þeim tíma hafa vel á fjórða þúsund fréttir verið skrifaðar á skagafrettir.is.

Skagafréttir ehf.
552-26-11875
440219-0550

Frjáls framlög frá lesendum eru styrkasta stoðin í rekstri Skagafrétta. Slíkur stuðningur er afar mikilvægur og hvatning til að halda áfram að miðla því öllu því jákvæða sem er í gangi á Akranesi og hjá Skagamönnum nær og fjær.

Frjáls framlög gefa jákvæða strauma og kraftmeiri fréttaflutning.

Skagafréttir ehf.
552-26-11875
440219-0550

Kærar þakkir fyrir allar heimsóknirnar á skagafrettir.is og stuðninginn.

Skagafréttir ehf.
552-26-11875
440219-0550

http://localhost:8888/skagafrettir/2021/03/18/baejarmidlarnir-eru-i-raunverulegri-utrymingarhaettu/

Guli liturinn hefur verið einkennismerki ÍA í langan tíma en Íþróttabandalag Akraness var stofnað árið 1946.

En hvers vegna var guli liturinn fyrir valinu?, og kemur Dortmund í Þýskalandi við sögu í valinu á litnum?

Skagafréttir leituðu að sjálfsögðu í sagnabrunninn Jón Gunnlaugsson til þess að fá úr þessu skorið. Jón var leiftursnöggur að svara þegar hann var inntur eftir því hvort hann vissi eitthvað um valið á gula litnum.

„Söguna má rekja til ársins 1950 þegar Karl Guðmundsson, fyrirliði íslenska landsliðsins og leikmaður Fram, var í námi í íþróttafræðum í Köln í Þýskalandi,“ segir Jón en Karl hafði þjálfað lið ÍA árið 1948 samhliða því að hann lék með Fram.

„Þessi tenging Karls við ÍA varð til þess að Guðmundur Sveinbjörnsson þáverandi formaður ÍA hafði samband við Karl í Þýskalandi. Guðmundur óskaði eftir aðstoð við að útvega búninga fyrir ÍA. Áður en þessi búningur kom þá lék liðið í hvítum skyrtum og bláum buxum. Á þessum árum mættu leikmenn til leiks í hvítu spariskyrtunum sínum.“

 

Guðmundur hafði þá ósk að fá búninga sem skáru sig frá þeim litum sem voru notaðir af knattspyrnuliðunum í Reykjavík. Rauði liturinn var Valsbúningurinn, sá blái hjá Fram, og KR var með hvítar og svartar rendur á búningunum.

„Karl keypti búninga eins og óskað var eftir. Hann valdi gulan og svartan búning og þannig var liturinn ákveðinn,“ segir Jón.

Skagamenn klæddust þessum búningi fyrst vorið 1951 og þá var komið nýtt merki og urðu Íslandsmeistarar, fyrstir liða utan Reykjavíkur. Á sama tíma og nýji búningurinn kom var merki félagsins líka breytt í það sem enn er notað í dag.

Auglýsing

Auglýsing

„Það er hægt að nota ýsu eða þorsk í réttinn sem nýtur vinsælda á okkar heimili. Þetta er einfaldur réttur og sósan gerir fiskréttinn að sælkerarétti,“ segir Ástþór Vilmar Jóhannsson sem tók áskorun frá Sævari Frey Þráinssyni bæjarstjóra fagnandi. Bæjarstjóri Akraness reið á vaðið í nýjum fréttaflokki á skagafrettir.is. með uppskrift að áhugaverðum kjúklingarétti.

Markmiðið með þessum fréttaflokki er að safna saman bragðgóðum, einföldum og hollum uppskriftum. Með tíð og tíma verður til staðar sarpur af góðum hugmyndum um notkun á hráefnum þar sem að hollusta og bragðgæði eru höfð að leiðarljósi.

Fiskur hefur verið mikilvæg fæða á Íslandi frá upphafi byggðar og fáar þjóðir borða jafnmikinn fisk og við Íslendingar. Neysla Íslendinga á fiski hefur samt sem áður minnkað á undanförnum árum. Ástþór Vilmar Jóhannsson vill stuðla að breytingum á því sviði með þessari frábæru uppskrift af steiktum fiski með súrsætri sósu.

Fiskur er ákjósanleg fæða fyrir margra hluta sakir. Má þar nefna að í fiski er gæðaprótein, neysla á fiski getur dregið úr offitu, fiskur er næringarrík fæða og tvímælalaust ein sú hollasta matvara sem völ er á. Fisk ættum við ekki að borða sjaldnar en 3 sinnum í viku.

Ástþór Vilmar skorar á Ingu Dóru Jóhannsdóttur, systur sína, að taka við keflinu og koma með næstu uppskrift áður en langt um líður.

Pönnusteikt ýsa/þorskur með súrsætri sósu

Hráefni:

600 gr. Ýsa eða þorskur
Hveiti
1-2 egg
Salt
Pipar
Matarolía eða smjör til steikingar

Sósa:

½ l vatn
100gr.sykur
9 msk vínedik
1 msk tómatkraftur
3 msk sojasósa
Maizena-sósu jafnari
100gr sveppir
1 græn paprika
1 rauð paprika
100 gr Laukur
100 gr blaðlaukur
100 gr ananasbitar

  1. Skerið fiskinn í bita og setjið til hliðar
  2. Setjið vatn,sykur,edik,tómatkraft og soyasósu í pott. Hleypið upp suðu og þykkið með maizena-sósujafnara.
  3. Skerið sveppi,lauk,blaðlauk í sneiðar og papriku í strimla(ekki of fínt)
  4. Brúnið sveppi,lauk, blaðlauk,papriku,og ananasbita í matarolíu og bætið út í sósuna. Sósan þarf ekki að sjóða mikið.
  5. Hrærið eggin saman og kryddið hveitið með salti og pipar. Veltið fiskinum fyrst upp úr hveitinu og síðan egginu.
  6. Steikið fiskinn í olíu eða smjöri og rétturinn er tilbúinn.

Meðlæti:

Berið réttinn fram með hrísgrjónum eða kartöflum.
Þessi sósa er einnig sérlega ljúffeng með steiktu kjöti.

http://localhost:8888/skagafrettir/2020/09/04/kjuklinga-pad-krapow-er-vinsaell-rettur-a-heimili-saevars-freys/

Bæjarstjóri Akraness ríður á vaðið í nýjum fréttaflokki á skagafrettir.is. Markmiðið er að safna saman bragðgóðum, einföldum og hollum uppskriftum. Með tíð og tíma verður til staðar sarpur af góðum hugmyndum um notkun á hráefnum þar sem að hollusta og bragðgæði eru höfð að leiðarljósi.

„Þetta er mjög vinsæll réttur á heimilinu en ég fletti upp uppskrift að honum sumarið 2018 þegar fótboltastrákunum var bjargað úr hellinum í Taílandi. Í einni fréttinni kem fram að Pad Krapow með kjúklingi var það fyrsta sem þeir báðu um að borða og ákvað ég að elda þennan rétt þeim til heiðurs daginn sem þeim var bjargað. Þessi réttur með salati dugar auðveldlega fyrir fjóra,“ segir Sævar Freyr Þráinsson.

Sævar Freyr skorar á Ástþór Vilmar Jóhannsson að taka við keflinu og koma með næstu uppskrift en verkefnið er hluti af „Heilsueflandi Samfélagi“ á Akranesi.

Kjúklinga Pad krapow

Hráefni (mæli með að gera hráefni tilbúið fyrirfram því það tekur bara um 12-15 mín að elda):

3 til 4 msk olía

3 chilli fræ hreinsuð og skorin í sneiðar (ég skar smátt. (hef fræin af einu chilli með til að hafa hann bragð sterkari)

3 skallottulaukar, skornir í þunnar sneiðar (ég skar smátt)

5 hvítlauksrif skorin í þunnar sneiðar

600-700 gr kjúklingalæri beinhreinsuð án skinns (set í matvinnsluvél og tæti kjúkling niður í hakk) Ekki henda kjúklingafitu hún bráðnar og gefur bragð)

1 msk sykur (pálma/kókossykur ef til)

3 msk soyasósa

1 1/2 msk fiskisósa

1/2 bolli kjúklingasoð (ég hitaði vatn í örbylgju og leysti upp 1/2 tening)

1 búnt Thai basil lauf (má sleppa og hefur ekki mikil áhrif á réttinn eða nota ferskt venjulegt. Thai basil er til í asísku búðunum í Rvk).

Leiðbeiningar:

Sjóðið hrísgrjón á meðan. Hæfilegur skammtur fyrir fjóra ættu að vera 3 bollar af grjónum. Þarf töluvert með þessum rétt.

Setja stóra pönnu á hæsta hita, bætið við olíu, chilli, skallottulauk og hvítlauk, og steikið í 1-2 mínútur þar til búið að mýkjast og jafnvel farið að brúnast lítillega í endum. Bætið við kjúklinga ”hakkinu” og steikið í um 5 mín þar til farið að brúnast lítillega. Tryggið að kjúklingurinn loði ekki saman og reynið að brjóta niður stærri bita.

Bætið við sykur, soyasósu, og fiskisósu. Steikið í aðra mínútu og jafnvel lengur þar til soð hefur að mestu horfið. Bætið þá út í kjúklingasoði og eldið áfram þar til mest af soðinu er horfið og farið að hjúpa kjúklinginn. Þetta á ekki að taka langan tíma 5-7 mín því pannan er á hæsta hita. Bætið við basil laufum og steikið í stutta stund þar til þau hafa visnað og blandast réttinum.

Berið fram með ríflegu magni af hrísgrjónum í skál þar sem hver og einn bætir ofan á réttinum og soyasósu að smekk hvers og eins.

Pad krapow með hrísgrjónum án salats stendur vel undir væntingum. Ef eldað er fyrir fleiri þá er auðvelt að tvöfalda allt í réttinum en gera þarf ráð fyrir lengri tíma í að sjóða niður vökva.

Asískt salat

70 gr jöklasalat skorið smátt.
70 gr rauðkál skorið í þunnar ræmur.
1/2 appelsínugul papríka (eða rauð eða gul) skorin í þunnar sneiðar.
50 gr gulrætur rifnar eða sneiddar þunnt.
1 vorlaukur skorin í þunnar sneiðar.
1 msk steinselja skorin smátt.
80 gr edamame baunir (fást frosnar belg hreinsaðar í flestum búðum nú orðið).
1 /2 tsk ferskt engifer saxað smátt.
1 hvítlauksrif saxað smátt.
1/2 msk soya sósa.
1 msk hlynsíróp (eða hunang).
1 msk hrísgrjóna edik (eða sítrónusafi).
1 msk extra virgin olívu olía.
1/2 msk ristuð sesam olía.
1 msk sesam fræ (má sleppa).

Leiðbeiningar:

Allt skorna hráefnið sett í skál og blandað vel saman. Fljótandi hráefnum blandað saman og svo sett út í salatskálina og öllu velt saman.

Kær kveðja, Sævar Freyr Þráinsson.

Séra Jónína Ólafsdóttir og Þóra Björg Sigurðardóttir eru nýkjörnir prestar við Garða- og Saurbæjarprestakall í Vesturlandsprófastsdæmi sem biskup Íslands auglýsti til umsóknar í desember s.l.

Kjörið fór fram mánudagskvöldið 17. febrúar s.l. á Akranesi.

Framvegis munu því þrír prestar þjóna í Garða- og Saurbæjarprestakalli og munu þeir allir þjóna þeim sóknum er tilheyra prestakallinu sem eru Akranes, Saurbæjar, Leirár og Innra-Hólmssókn.

Sr. Jónína Ólafsdóttir var kjörin í almennt preststarf en Þóra Björg Sigurðardóttir í preststarf með áherslur á barna- og æskulýðsstarf.

Alls bárust sjö umóknir um störfin en 17 manna kjörnefnd úr héraði valdi þær Jónínu og Þóru Björg úr hópi 4 umsækjenda eftir forval matsnefndar um hæfi umsækjenda sem skipuð var af Biskupi Íslands.

Þess má geta að tveir af sjö umsækendum drógu umsóknir sínar til baka.

Sr. Jónína Ólafsdóttir

Sr. Jónína Ólafsdóttir er fædd 14. ágúst 1984. Hún lauk prófi í guðfræði frá Háskóla Íslands 2017 og BA próf í íslensku með félagsfræði sem aukagrein frá Háskóla Íslands árið 2008.

Á liðnu ári lauk Jónína diplómanámi á meistarastigi í sálgæslu frá Endurmenntunarstofnun HÍ sem og 90 einingum af 120 til MA prófs í guðfræði.

Jónína hefur gengt ýmsum störfum innan kirkjunna frá árinu 2007 en hefur starfað sem settur prestur í Dalvíkurprestakalli frá 1 okt. 2019. Eiginmaður hennar er Eggert Þröstur Þórarinsson og eiga þau tvo syni.

Þóra Björg Sigurðardóttir

Þóra Björg Sigurðardóttir er fædd 25. janúar 1989. Hún lauk prófi í guðfræði frá Háskóla Íslands árið 2019 og BS próf í sálfræði frá Háskóla Íslands 2016. Þóra Björg hefur starfað sem ritari og æskulýðsfullrúi við Grafarvogskirkju frá árinu 2011 en komið að kristilegum störfum frá árinu 2008 m.a. á vegum KFUM&K í sumarbúðunum í Vatnaskógi og Ölver. Þess má geta að Þóra Björg hefur enn sem komið er ekki hlotið vígslu sem prestur. Eiginmaður hennar er Geirlaugur Ingi Sigurbjörnsson. Eiga þau tvö lítil börn og eru búsett á Akranesi.

Eins og áður segir munu þrír prestar þjóna í Garða- og Saurbæjarprestakalli og munu þeir allir þjóna þeim sóknum er tilheyra prestakallinu sem eru Akranes, Saurbæjar, Leirár og Innra-Hólmssókn.

Fyrir er séra Þráinn Haraldsson en hann var kjörin sem sóknarprestur á liðnu ári. Þetta er í fyrsta skiptið sem konur eru kjörnar til prestembæta í Garða – og Saurbæjarprestakalli. Eru því um mikil tímamót að ræða.

Einnig er mjög áberandi hve verðandi prestateymi eru ung að aldri en þau eru öll vel undir fertugu. Það er engu líkarar en að kjörnefnd Garða- og Saurbæjarprestakalls séu að leggja áherslu að yngja verulega upp í sóknarstarfinu á komandi árum.

Auglýsing

Það er ekkert leyndarmál að Skagamaðurinn Ólafur Þórðarson segir það sem hann meinar – og hann liggur ekki á skoðunum sínum. 

Ummæli Ólafs á ýmsum málum hafa verið til umfjöllunar í fréttamiðlum á landsvísu og vakið mikla athygli.

Á Þorrablóti Skagamanna lék Ólafur stórt hlutverk í skemmtiatriði 1978 árgangsins – og má sjá það hér fyrir neðan.

Ólafur Þórðarson er einn þekktasti knattspyrnumaður Skagamanna fyrr og síðar. Landsliðsmaður til margra ára og lykilmaður í hinu sigursæla liði ÍA sem mokaði inn titlum seint á síðustu öld.

Ólafur snéri sér að þjálfun eftir að ferlinum lauk og undir hans stjórn varð karlalið ÍA m.a. Íslandsmeistari árið 2001.

ÍA hefur ekki náð að landa Íslandsmeistaratitli í mfl. karla frá árinu 2001.

Auglýsing

Auglýsing

Auglýsing

Auglýsing

Auglýsing

Auglýsing

Í dag hófst formleg söfnun í minningarsjóð Arnars Dórs Hlynssonar. „Hjá okkur hjá Sansa verður þannig háttur á að í þessari pöntunarviku, sem stendur fram til miðnættis 10. janúar munu 750 kr. af hverjum matarpakka fara í minningarsjóð Arnars Dórs.

„Arnar Dór Hlynsson var topp náungi en ótrúlega óheppinn með veikindi. Hann kvartaði samt aldrei. Minningarsjóður Arnars Dórs er stofnaður af Sansa, Team ´79 og ÍA. Sjóðurinn mun í framtíðinni styðja við bakið á góðum málum sem tengjast uppáhaldsíþróttum Arnars Dórs,“ segir Þórður Már Gylfason eigandi Sansa við skagafrettir.is.

ÍA mun hafa umsjón með minningarsjóðnum og verður úthlutað úr sjóðnum einu sinni á ári.

„Arnar Dór vinur minn lést þann 14. september 2017, langt fyrir aldur fram. Á þeim tíma var ég að setja fyrirtækið á laggirnar og það gafst enginn tími til þess að gera það sem mig langaði að gera til að heiðra minningu hans. Með hjálp margra þá er þessi minningarsjóðurinn nú til. Árgangur 79 sem Arnar Dór tilheyrði á stóran þátt í þessu ásamt ÍA og foreldrum Arnars Dórs.

Niðurstaðan er sú að minningarsjóður Arnars Dórs mun styrkja þau aðildarfélög ÍA sem hann tengdist. Það eru golf, fótbolti og kraftlyftingar. Arnar Dór var mikill stuðningsmaður knattspyrnunnar, hann var á golfvellinum flesta daga og lyfti lóðum af krafti þess á milli.“

Fyrirtækið Sansa sem Þórður Már setti á laggirnar á Akranesi í fyrra sérhæfir sig í því að útbúa matarpakka fyrir einstaklinga og fjölskyldur. Óhætt er að segja að viðtökurnar hafi farið fram úr björtustu vonum Þórðar.

„Síðasta vika var sú besta frá upphafi, metvika, og ég vona að þessi vika verði ekki síðri til þess að efla minningarsjóð Arnars Dórs. Og að sjálfsögðu er einn af réttum vikunnar uppáhaldsfiskisúpa Arnars Dórs,“ bætti Þórður Már við.

Fyrir þá sem vilja leggja inn á minningarsjóð Arnars Dórs þá er þetta númerið á styrktarreikningnum:

552-14-350047

kt. 670169-2199